玲玲友情报｜Bob爆婚宴尴尬经验 遭「醉爆社团外父」突袭 考验神救场

向来致力炮製题材多元清谈节目的 J2（82 台），由 8 月 30 日（明晚）起、逢周三晚 11 点于 J2（82 台）播出全新花生味浓清谈节目《玲玲友情报》，由堪舆学家麦玲玲伙拍三名 J2ers 黄紫恩（Jojo）、吴兆麟（Alan）及陈欣茵（Sonya）主持。有「金牌婚礼司仪」封号的林盛斌（Bob），又会遭玲玲姐及幕后大逼供，追问他婚礼司仪「最高叫价」！

阅读全文

遭「醉爆社团外父」即场考牌 靠「奶奶」转危为机

出名健谈的阿 Bob，节目中自然不负众望大派花生，当中最爆笑事件，是阿 Bob 曾遭「醉爆社团外父」考起，阿 Bob 分享时绘形绘声谓：「宾客饮醉係经常发生嘅，无端端上嚟话要讲嘢喎，呢啲好惊，唔知你讲咩架嘛。我试过喺一间好大型嘅星级酒店，女家屋企人应该有啲背景，去到尾段外父冲咗上台，佢攞咗我支咪，然后拎住支咪指住新郎briefing，佢把声劲沉劲沙，好 Godfather 咁话：『我同你讲，你对我女好啲…』跟住全场静晒，佢继续讲：『如果你对佢唔好…』跟住佢就爆粗喇…」当时深感不妙的阿 Bob，情急智生将男家「奶奶」搬上枱，成功冧掂外父兼扯开话题，到底阿 Bob 如何一招化解危机？

陈家乐同连诗雅感动婚宴

阿Bob 又开心 share 见证过的感动婚宴 moment：「其实婚礼最紧要係致辞，陈家乐同连诗雅嘅致辞就好感动喇，喺多谢屋企人时，家乐讲番啱啱出嚟做艺人，未搵到咩钱，当时阿爸喺佢唔为意时偷偷地塞钱落佢度，佢一讲佢就喊，连诗雅喊，下面阿爸嗰围喊，连杨受成博士都忍唔住喊。因为一定有啲人由细凑到你大，佢哋就係等紧呢一句多谢。」

阿 Bob 续指已向所有子女做定 Briefing，着他们将来结婚必须要至少预备三分钟致辞多谢他和太太 Pearl，阿 Bob 更感叹谓：「一年总有几个婚礼我会忍唔住眼湿湿，尤其係新娘子讲多谢爸爸嗰啲，我个人状态係去咗落个外父度。」想跟住阿 Bob 一齐又喊又笑？密切留意《玲玲友情报》。

Bob：我猛问外父喺边

高峰期一日走两场、一个月做足十次婚宴司仪的 Bob，虽然主持婚宴经验直达神级，不过依然偶有失手。Bob 自责曾因记漏资料，出现极之尴尬情况：「有次签完纸我请老爷奶奶、外父外母上台，我猛问外父喺边，跟住新娘子话：『咪话咗你知爸爸唔喺度嘅』，我即刻吓到标晒冷汗！」Bob 续指另一次则是「好心做坏事」:「嗰次又係请晒四个上台，我话：『既然咁开心，不如三 pair 一齐锡锡』，原来我唔记得其中一 pair 係分开咗，然后佢哋好尴尬咁望住我。」