推特网红资源下载
全新旅游节目《约埋班Friend去旅行》今晚（18日）首播！节目集结圈中星级老友组成「死党团」四围玩，「痞子兄弟姊妹」周嘉洛、陈滢、王灏儿（JW）、朱敏瀚到访泰国清迈大玩特玩，本来嘉洛扮去唔到原来只係节目效果，4人成行旅程中有笑有泪！
阅读全文
嘉洛扮去唔到 实情製造惊喜
本周先播出「痞子兄弟姊妹」篇，第一集讲到，四人出发前收到噩耗，被告知嘉洛因拍剧关係未能随团出发，众人即时露出震惊错愕的表情； 但实情是嘉洛除了获得特赦，更提早出发到清迈準备为好友送上惊喜，就是在酒店戴假髮化身Bellboy迎接陈滢、JW和朱仔。
不过三人因挂住参观酒店，竟前后三次认不出嘉洛，嘉洛最终忍不住弹出来吓他们，场面搞笑。四人重提当日向公司求情状况时，爆出嘉洛忍不住喊，嘉洛笑言：「从未试过演个角色演得咁好， 我一幻想到唔可以一齐睇日出，我真係喊咗出嚟！」
JW挑战食虫虫
首个行程，四人去到着名打卡热点Tha Phae Gate与白鸽留倩影，惟JW非常胆小吓到脚震。之后他们去Café歎啡，席间JW自爆：「我其实有个Dream，就係好想开 一间Coffee Shop。」陈滢说：「我就好想拥有自己嘅酒庄。」晚上四人到周六夜市闲逛，并在街边体验兰纳传统按摩；之后还挑战食虫虫，万虫当前陈滢和JW吓到花容失色，将虫食落口时即时面容扭曲，JW更是不停跺脚定惊；至于两位男士 则照食无误，还加码食多几只嗌Not Bad！
JW被爆唔饮得兼爱队人饮酒
星期二晚（19日）一集，着到靓一靓的四人到一间英国特务主题的餐厅食好西，众人几杯落肚玩爆料，陈滢先说：「拍《痞子》时嘉洛係完全唔饮得，经过咗我同JW 两年嘅Training之后饮得咗。」嘉洛闻言即说：「阿滢係最饮得，朱敏瀚就天生好 饮得但冇Train，JW好唔饮得，但最大声就係佢，试过左手揿住人哋膊头，右手揸住酒杯队畀人饮！」JW随即即场示範，场面搞笑。
男士做「除衫担当」陈滢晒美背
节目尾声，四人齐齐出发做 SPA，两位男士自告奋勇做「除衫担当」，更即场丧做掌上压谷爆肌。嘉洛和朱仔被按期间，陈滢和JW偷偷入内整蛊他们。至于陈滢则孖住JW大歎四手按摩，相当享受。
周嘉洛IG另类宣传谷收视
周嘉洛今日喺IG出post叫人留意佢只眼，话好重要好重要，原来係另类宣传叫大家今晚记得睇《约埋班Friend去旅行》，非常搞笑：
眼睛係灵魂之窗所以我一般会比较保护佢
受保护率大概係80%啫係五分之四亦啫係你影我5次只会有一次成功
当成功嘅时候你要留意因为好可能係我专登用灵魂向你表达紧啲嘢
朱敏瀚IG晒周嘉洛合照
拍摄期间，朱敏瀚在IG不时晒出同周嘉洛的合照，两人老友鬼鬼，十足一对「男男CP」，朱仔仲互相晒出对方的视角照片，甜度非常高，连陈滢都忍唔住要留言呀！
周嘉洛离奇No Show只係「扮去唔到」
之前娱乐新闻报道讲到似层层，以为周嘉洛临尾甩底！陈滢、JW王灏儿同朱敏瀚早前去到机场，为全新综艺节目《约埋班Friend去旅行》出发去清迈拍摄，不过原本约好一齐去嘅周嘉洛就离奇No Show，原来就係因为要回归拍《爱．回家》而未能同行，所以就只得佢嘅《痞子》公仔成行喇。
去旅行唔齐人JW出发前爆喊
几个老友够晒义气，精神上玩埋周嘉洛嗰份，朱敏瀚仲讲笑话原本同床瞓，依家只可以同公仔瞓。不过得知唔齐脚出发之时，原来JW王灏儿出发前一度嬲到喊出嚟，陈滢就猛咁咿咿哦哦唔识停，朱敏瀚仲呆坐一边唔知点反应先好呀。朱敏瀚净係讲：「《爱．回家》需要佢，我哋心中需要佢﹗」陈滢又叫JW王灏儿再喊多次，认真惨猪！
剧集升格旅游综艺惨变三缺一
由《痞子殿下》一直到《痞子无间道》，再杀到去拍旅游综艺，可知《痞子》组合相当受欢迎！周嘉洛之前喺《痞子无间道》收工饭局曾透露仍未收到返回《爱．回家》剧组的消息，并开玩笑表示：「有新加入的角色那么强劲，不需要我了﹗」而这个新角色网民都猜测是指杨明。最后周嘉洛笑言指如有机会，都想回去玩。
估唔到，早前（19日）仲见到周嘉洛孖住JW王灏儿同朱敏瀚在《2023TVB年中节目巡礼》为旅游综艺做宣传，现在周嘉洛却被急急召回《爱．回家》，或者有机会同新角色杨明有对手戏喎！
请登录后发表评论
注册