Anson Kong新歌《Blue Monkey》再获Ian谱曲 激将法挑战唱功

继三年前的《蜗牛》后，江𤒹生（AK）找来MIRROR队友兼好兄弟陈卓贤（Ian）再次为他谱写新作《Blue Monkey》，当中超高音部份摆明要挑战AK唱功！而MV今次特地在美国拍摄，更仿效美式MV氛围，既有靓景，又有美女，AK更要大骚八嚿腹肌，十分吸睛！

阅读全文

再获兄弟Ian献曲 激将法完成高音

相隔三年再由Ian操刀写歌，AK表示邀歌冇难度，不过Ian却用激将法要他飙高音！AK说：「Ian好爽快就答应帮我写歌，冇游说好耐，佢的而且确用咗激将法要我挑战高音，因为佢咁啱喺最尾写咗句好高音嘅嘢，我问佢係咪认真㗎？佢就话：『你咪试下唱啰！』」

新歌名字由来

AK又解释今次歌名《Blue Monkey》的名字由来，说：「我平时会睇一啲New Age嘢，其中有提及Blue Monkey，代表一个人要玩得开心啲，呢个係喺世界里面嘅其中一个任务，有啲人会成日唔记得点样去玩，我之前做嘢都係咁，太认真，唔识玩住去做，结果个人冇咁开心，亦做得冇咁好，最后慢慢发现，有啲嘢可以放鬆啲，轻鬆啲玩住去做，效果会更加好，同Oscar沟通之后，就有呢个歌词内容嘅决定。」

MV充满外国vibe 爱车之人遇难题

《Blue Monkey》推出之前，AK因为要到纽约参与电影节，所以就有了在当地拍MV的念头，AK另外补充了今次MV Idea的源头，道：「平时睇开外国MV都不外乎係Party、女伴，难得去到美国，当然好想拍到咁样嘅MV，因为外国啲屋好大景又靓，想做嘅效果就似返外国气氛多啲。」在靓人靓景下，AK拍摄过程也份外轻鬆愉快，更毫不吝啬大骚八嚿腹肌，他更说：「今次真係有好多靓景，睇极都咁开心，外国地方大，就係因为地方大，唔知点样选择。」除了出现选择困难外，现场拍摄也遇上一些难度，除了因为要遵守当地拍摄规限外，想不到揸车亦成了爱车之人AK的一大难题，他说：「因为我哋租咗架1964年Mustang古董车，揸係要好有技巧，如果唔係好易死火。」不过见AK在MV中有型地开着古董车在美国大街上游走，相信再多的难题，他仍乐在其中。

江𤒹生《Blue Monkey》MV现已于Mirror YouTube Channel推出。Mirror YouTube Channel – https://www.youtube.com/c/MIRRORweare/