28岁江嘉敏想同阳光玩游戏 Deep V打扮激罕骚事业线

现年28岁的无綫（TVB）小花江嘉敏（Kaman）初出道时凭甜美样子而为人熟悉，但近年因身形胀爆兼剪短头髮而大跌watt，就连同剧拍档马贯东都忍不住当众窒她「肥腻嘢」！江嘉敏早前宣布练跑后，已经愈操愈fit，昨日打风日子更大派性感福利！

阅读全文

江嘉敏谷胸骚事业线

受颱风小犬影响，不少人都留在家中安全为上，江嘉敏就希望天气快点放晴，她表示：「还番个太阳比（畀）我呀！#想去跑山#想拍外景#想洗衫晾衫#小犬得个名可爱#大家小心」不过，网民重点就留意她穿上穿Deep V通花装，不经意地晒出比坚尼的靓相，激罕骚出事业线，网民纷纷大讚：「小宝好劲事业线！」、「好想见你」、「见到你灿烂的笑容，热辣辣的性感，简真劲过太阳！」、「一定有阴谋！」

月底参加马拉松 愈操愈fit

江嘉敏化身骗徒拍摄《警声百二秒》时受访，表示月底要参加一个12小时内完成马拉松嘅赛事，对于一向唔跑步嘅自己嚟讲算係一个挑战，所以而家几乎每日都练跑，前前后后瘦咗十几磅，但仍然会继续跑步。

大骚纤腰长腿

被网民叫大妈叫足几年，江嘉敏终于减肥成功，近日她在Instagram分享最新减肥成果，不但脸部轮廓相当明显，更露出纤腰和长腿，令网民大讚她终于回到全盛时期。她早前接受传媒访问时透露，以前经常外出食饭，而现时则有戒口而且食得比较清淡，不过就表示没有跟减肥餐单进食，只是减少外出食饭，并在家中食以烚为主的食物。

江嘉敏po近照脱胎换骨

向来唔係瘦底的江嘉敏，经过多月的努力原来成功减磅，日前她于社交网出po分享近照，又留言：「呢几日一返公司，个个都话我瘦咗成个码。好开心！努力有成果……」睇江嘉敏自己po的素颜照，的确见到块面变V，下颚线紧緻咗，五官轮廓更加立体，有脱胎换骨的感觉。

坚持做3件事

江嘉敏写长文公开自己的成功秘诀，原来唔係佢一个人的功劳，「每次肚饿好想食零食，我妹就会劲恶咁啤住我（搞到佢好似先係我家姐），佢哋仲会陪我夜晚跑步。多谢我嘅朋友知道我努力keep fit，二话不说send成箱鸡胸过嚟畀我。仲有 Michelle同Hebe成日轮流哦我，要我勤力啲护肤同埋去做增肌减脂，咁就可以事半功倍！」江嘉敏除了做运动，仲要忍口节食同埋勤力做机，真係几有恆心。

年初被马贯东当众耻笑

江嘉敏的起心肝修身，据知真要多谢马贯东，今年初出席剧集《黄金万両》宣传时她曾被拍档马贯东当众称呼她做「肥腻嘢」，当时Kaman就反驳：「我唔知你讲咩喎，我听唔到。其实呢个名係有一个来源之处，我係剧裏面都係比较有肉地嗰个嚟嘅，有肉地啊，后尾佢哋谂咗个方法去解释呢样嘢，就係因为我个名叫金枝，屋企有啲钱嗰个，就话我由细到大食啲山珍海味，食到个人圆润咗啲。」化愤怒为动力都好嘅！

又称「时装车祸KOL」被批造型老气兼自曝其短

江嘉敏几乎次次现身大型活动都例牌炒车！好似2019年出席《万千星辉颁奖典礼2020》，当时蜜运中的江嘉敏一身「幸福肥」，却穿上一袭Bling Bling直间紧身鱼尾裙，将其腰间赘肉表露无遗，相当赶客；而经常被批评打扮过于成熟的她，去年以黑色喱士衬蓝色连身短裙Look亮相《周年庆典节目巡礼2022》，虽然「中门暗开」身形若隐若现，但仍遭网民狂踩显肥兼老气。

江嘉敏短髮Look致敬仙杜拉？　战斗格被嘲渗「东莞味」

发福不少的江嘉敏日前则于IG贴谷胸照，自称获友人大讚「身瘦咗但块面圆咗」，并谓：「我把自己吃得这么圆，就是为了不被别人看扁。」自信满满的她早前还以战斗格，穿黑色Deep V Bra Top披蓝色西装外套入马场，惟有网民嫌「乡姑」味浓，纷纷留言「件衫只色想点，以为返咗大陆」、「东莞夜场小姐」、「啲Taste咁差」、「花家姐咁款」、「以为夹个髮夹喺头就会似番女人？」等。然而去年底换上新造型时，江嘉敏已被指「完全Carry唔到短髮」，甚至问：「係咪致敬仙杜拉？」

江嘉敏认自己化妆几恐怖　爆造型原来搵朋友帮手

对于被封「时装车祸」，江嘉敏接受郑裕玲（Do姐）主持的商台节目《口水多过浪花》访问时，大方直认不懂扮靓、帮自己化妆都几恐怖，「可能件衫本身係靓，但我冇谂到咁深层次，原来件衫唔啱我身形着，我冇留意呢啲。」又表示造型是搵朋友帮手，现会考虑聘请形象指导，Do姐追问：「嗰个朋友绝咗交未？」江嘉敏即解释：「冇，朋友好好，佢哋有劝我嘅，但我就好坚持，我觉得呢件衫真係好靓，咁其实自己衰啰！」