欧锦棠大爆亚视秘闻 年赚500万全靠一招！ 兼揭无綫「离巢潮」真正原因

欧锦棠时不时在个人YouTube频道大谈电视台的娱乐八卦，近日就在其频道中分享当年在无綫和亚视两台出骚和平均收入的话题。欧锦棠不但提到自己曾经在亚视曾经1年收入高达500万港币，又大爆早年无綫「离巢潮」真正原因，引起大批网民热议！

阅读全文

欧锦棠大讚亚视好 骚钱年年加

欧锦棠一开波就指在1990年刚入行时，当时已经一个骚收$1000骚钱，而亚视一年就签欧锦棠72个Show，所以自己早在90年代已经月入$6000，每年续约又会「水涨船高」，骚钱年年加。此外，欧锦棠又大讚当年亚视就算艺人唔够骚都会照计骚钱，对员工非常好。

全靠「爆骚」曾一年搵接近500万

欧锦棠更大爆自己于1996年曾在亚视台庆获颁「最爆Show艺员奖」。欧锦棠指当年「爆骚爆得最恐怖」，除了有份做综艺节目《今日睇真D》之外，又有份出席如《亚洲小姐竞选》、《香港男士竞选》等节目，再加上欧锦棠包办当年奥运会的所有主持工作，所以令他当年爆骚爆到猪笼入水：

当年我係做左670个骚，换句话讲係爆咗600个骚。咁每个骚，我冇记错係8千几蚊，咁你同我计啰。8000几蚊，爆600几个，肥过肥仔水啊！

大爆无綫「离巢潮」真正原因

欧锦棠在影片中亦有提到无綫的情况。欧锦棠指无綫情况与亚视相反，他表示假如在亚视爆骚，亚视会照样计钱，但无綫就虽然初初在合约上没有特别注明，但到年底就会将骚数拨到下一年，并且冇骚钱计。欧锦棠接着更大爆无綫「离巢潮」真正原因，他指当年有写同事一年减到6个骚，接着就1年3个骚，最后更一刀切一年一个骚，令不少同事光靠骚钱就难以维生，最后便选择离巢。

分析大台「1 SHOW」的真正原因：佢唔洗养你

欧锦棠指TVB在计骚钱方面非常敏感，当一个艺人差唔多做足数，就会唔再派新工作给该位艺人，而将工作分配给「唔够骚嘅艺人」。欧锦棠指明白政策是为了「让人人都有工开」，但执行的同事好难咁细心睇住成盘数，所以经常都事与愿违。欧锦棠亦有分析TVB为何会有「1 SHOW」政策的原因：

当然省钱好重要，佢唔洗养你啊嘛，唔洗畀福利你啊嘛，乜Pension嗰啲全部冇晒㗎喇，你係一个Part Time嚟咋嘛。但係有个好处啊，佢留住你，你可以出去搵嘢做，你做谭仔都得，你洗碗都得，你就係唔可以喺其他电视台出现。拍电影都得，係唔俾你喺电视台出现。其实香港仲有几多电视台？一个骚就叫绑住嗰个艺人。一个骚都係要签合约。

网民留言戥亚视唔抵：早几年江美仪受访话其实几正

网民都纷纷留言指替亚视感到不值，亦有网民大表震惊，讚亚视为难得一见的良心企业：「出晒名亚视福利好，无綫就人工低」、「但谂番亚视好多都捞到执先跳TVB」、「咩世界竟然良心企业执得快过黑心企业」、「早几年江美仪受访话其实几正，人工高啲工作量又唔多。适合养老」等。

欧锦棠离巢后过档ViuTV拍剧

欧锦棠在2016年离开效力了15年的无綫，其后都有出演不少音乐剧和舞台剧，亦有参演香港电台和ViuTV不同剧集，并且在ViuTV《打天下》系列担任第一男主角。

一齐睇片：

欧锦棠拍戏左眼爆血管 大爆无綫黑幕

欧锦棠早年曾在YouYube频道分享护眼之道，当时欧锦棠忆述2013年拍摄电影《魔警》被廖启智用粗绳勒颈，令左眼爆血管，一直医唔好﹗因而重提当年被无綫高层指他请了900几日病假的真相，欧锦棠爆料指当时受伤后被公司要求放无薪假等不合理对待，相当不近人情，最后完约心淡离巢﹗

称无綫要求放无薪假兼搵计拒畀骚钱

欧锦棠指左眼变红影响幕前工作，当时还是无綫艺员的他向公司申报，有医生纸提供，但公司却要求他放无薪假，欧锦棠话：「咁我问公司我要攞几耐无薪假？公司回覆係攞到我好番为止﹗其实我唔介意，咪当唞吓﹗点知攞完无薪假有个导演叫我上节目讲香港漫画史，觉得我最适合去讲，佢哋就角度只係影我右边面，一讲讲咗四集﹗」

欧锦棠：我点同你卖命

拍完节目却收到公司电话，欧锦棠话被公司问责为何开工？欧锦棠答：「我鬼知咩，导演叫我上节目讲咪讲啰，公司话问番我唔係眼有事唔拍得嘢咩？我话导演就我角度﹗点知公司答『咁唔得呀，你唔会有骚钱计㗎﹗』点解咁呢？公司就係用咗个好唔係理由嘅理由，话我係本台艺员唔可以做嘉宾，所以冇骚钱计喎，咁都得﹗…我点同你卖命，咁我咪听你话攞无薪假啰，于是咪有连攞900几日假嗰单嘢，嗰件事其实係咁样嚟嘅﹗」

欧锦棠反击「胶层」乐易玲

根据昔日报道指13年无綫高层乐易玲出席活动时，指出欧锦棠自2013年不断攞病假，攞足900几日病假，每次都有医生纸，又指本来公司想安排他拍摄《公公出官》、《城寨英雄》、《无双谱》等，但因对方请病假而推剧﹗当时欧锦棠在社交平台反击：「成千日病假？你係老闆都唔批啦﹗边个医生批你病三年呀？嗰啲叫做冇薪假，我地叫No Pay Leave，用新任财爷英文就係No Salary Holiday，搞清楚先啦，胶层﹗」