叱咤2023｜林海峰狂爆金句颁「我最喜爱男歌手」 窒到镜仔应一应

《2023年度叱咤乐坛颁奖典礼》于今日（1月1日）举行，每年林海峰的SOLO表演都是观众最期待的环节之一，不过可能因为之前玩得太尽，早几年摆MIRROR上枱令镜粉不满，去年他已经「笠水」唔敢再玩嘢……今年林海峰颁「我最喜爱男歌手」奖项时，竟然不再卖关子，而是直接讲3次！

阅读全文

林海峰直指张敬轩输俾古天乐「有冇搅错」

林海峰整段个人show，都是用张敬轩来做主角来发挥：「张敬轩，唯独2014年攞过一次，之前嘅劲敌大部份都係前辈，当佢嘅前辈慢慢离开颁奖台之后，佢就成为我最喜爱男歌手，点知遇到一个又一个更强劲嘅对手，去到2018年，张敬轩面对一个乐坛经历海啸，我打开「我最喜爱的男歌手」信封嘅时候我见到古天乐，我爆咗4个大字『有冇搅错』，结果工作人员话『乐迷投票』，结果我将一个『我最喜爱男歌手』颁咗被一个影帝……」

林海峰又讲MIRROR：要等到Frankie攞埋奖先到你

林海峰继续讲，表示张敬轩遇到的一大难关，就是MIRROR：「然后去到2020年，张敬轩面对另一样厄运，爆发社区流行，叫『MIRROR大流行』，当初连续姜涛攞咗『我最喜爱男歌手』2年，跟住嗰年颁咗俾Anson Lo，坐係第一行，左边一个Edan右边一个Anson，仲要Anson都有2个，即係如果你要拎『我最喜爱男歌手』，你要等到Frankie攞埋奖先到你㗎喇，即係要等多12年先喇！」

林海峰：关爱座都要让？

林海峰笑言张敬轩今年推出《隐形游乐场》这首至尊金曲，不过却连呢个游乐场都玩佢：「点知突然爆出一个尹光，关爱座都要让？一个姜B一个光B，加埋差唔多成百岁，好多人话长江后浪推前浪，有冇见过『长江前浪被前浪推』？」

林海峰强调会继续玩落去

林海峰续称，自己都有反思是否玩得太尽：「年年都係咁，颁呢个『我最喜爱男歌手』林海峰又喺度玩人，好过份，有人同我讲「唔好玩我啦阿Jan」，我都有反思係咪好过份，但我会继续玩落去㗎，因为一路有一个人我玩唔到，佢一直喺台下面！」

林海峰讲足3次张敬轩

林海峰继续大讚张敬轩示範了甚么叫「有玩未为输」，并称他从来没放弃，继续玩好他的音乐，不卑不亢：「10年磨一剑，叱咤历史性时刻，重要嘅嘢讲3次，张敬轩、张敬轩、张敬轩！！！！」

&ab_channel=Viu1HK

2022年恶搞《正义迴廊》 句句寸到入肺

今年虽然林海峰未有搞Solo「是但噏」环节，但就改做拍片恶搞《正义迴廊》，逐个点评有份入围同无份入围「叱咤乐坛我最喜爱的男歌手」嘅大热嘅男歌手。林海峰一开波就寸张敬轩喺年纪最大的「早餐界KOL」，之后又重提自己上年吓亲AnsonLo一事，事情严重到要判自己「终身监禁」。跟住又寸叱咤今年横扫多奖的林家谦同MC张天赋竟然冇份入围，相反专注拍戏嘅Edan就有份入围，真係句句寸到入心入肺！

林海峰2022年唔敢再搞事

林海峰今日一出场就表示吸收了上次的教训，今次颁奖不会再搞事，只会简单读出得奖人的姓名。随后就直接宣布「叱咤乐坛我最喜爱的男歌手」的得奖者便是去年被林海峰恶搞过的Anson Lo。被林海峰玩过一次的Anson Lo一听到自己名字的时候都不敢上台，怕被林海峰再玩多次，等到林海峰亲自到台下请Anson Lo上台先敢行上台！