79岁尹光全晚「坐冷板櫈」网民感不值：胡枫都上台唱咗句

《叱咤乐坛流行榜颁奖典礼2023 》圆满结束，有网民在连登讨论区表示颁奖礼美中不足是，79岁尹光（光B）最后食白果，全晚连演唱环节都没有，大闹安排唔妥当！

阅读全文

网民批商台安排不当：要光B坐冷板櫈

「叱咤乐坛我最喜爱的男歌手」最后由张敬轩夺得，而连登仔劲推的尹光（光B）最后食白果。连登仔对此表示不满，认为就算光B拎唔到「我最喜爱的男歌手」，都唔应该成晚「坐冷板櫈」，至少都可以出嚟表演，话晒光B已经79岁，53年第一次入叱咤，仲要为此整咗件战衣，大闹marketing做得好差！

网民：胡枫都上台唱咗句爱是永恆

好多网民都为尹光抱不平「请个老人家过嚟，奖都无个都算，连表演下既机会都无，个marketing 做得好差」「陈蕾领奖时 得佢一个老人家坐係嗰度」「上台数吓波波都冇」「胡枫都有得上台，仲唱咗句爱是永恆」「mirror无奖嗰啲都有得唱」「个下好sad 好似有个独居老人坐喺度咁，想拍掌，但係冇人睇到」「拎过奖既歌就唔好要佢再唱多次啦，学下隔离chill club，考虑多少少成个颁奖礼其实係一个show俾观众睇」「佢老人家拍手拍足全程」

尹光出post感谢张敬轩

尹光于颁奖礼后，在IG出post恭喜打败自己夺得「我最喜爱男歌手」的张敬轩：「今晚好高兴 多谢有幸出席呢个盛事 非常出色👍🏼👍🏼恭喜哂轩公🎉 实至名归！」

尹光：我从来未入过叱咤 拎到奖真係会喊出嚟

尹光早前上Do姐主持的商台节目《口水多过浪花》，表示自己53年嚟第一次去叱咤。尹光先讲到真係好开心入到叱咤我最喜爱男歌手最后5强，因为觉得叱咤真係好难入。而拎奖信心只有百分之十，表示对手太强，边有信心可以赢到，不过自己已做战衣撑场，就算自己唔得，睇到人地领奖，佢都会好开心。尹光表示佢预咗无奖，但如果真係拎到佢可能会喊出嚟。

详细请睇：口水多过浪花︳Do姐访问尹光锺意唱情歌 大爆53年第一次去叱咤 战衣已準备！