龙心做「爱国KOL」打入内地市场 进驻小红书即Po3条片吸粉丝

YouTube界的一大「话题男神」龙心，早年移居英国后便宣布淡出YouTube界。最近佢开咗埋小红书，似乎要转型「爱国KOL」，其中一条碌落沙滩，睇到网民…

阅读全文

龙心进驻小红书讲英文打招呼 网民：想在中国混就讲国语

近日「话题男神」龙心进驻小红书，po出3条影片，第一条係龙心係咁讲英文表示「In this world only have 2 Types of people」，跟住连环爆出一埋英文「Fixed mindset」、「Fear Jealousy Doubt」、「Growth mindset」、「Brave」、「Gratitude」、「Decisive」，最后就话自己係「Dragonheart Fixed mindset」。不过呢条英文片内地网民似乎唔多受落，话听唔明叫龙心讲返国语，仲开始质疑到底呢个係咪真．龙心：「都唔知你up乜，讲中国话好吗？」、「想在中国混就讲国语」、「No I don’t Your English are bad」、「童年回忆」。

龙心拎国旗无厘头碌落山 内地网民大讚终于正常返

第2条片係龙心拎住国旗喺沙丘，然后突然自己无厘头碌落山，龙心仲喺影片中表示：「热爱祖国」，睇嚟龙心打算开拓内地市场！好多内地网民大讚龙心做得好，係偶像，真心型：「无得顶」、「龙哥好野，关注你4年了」、「好型呀」、「终于正常返次」、「活出自由，活出自我」。

龙心进驻小红书 用旧片打招呼 现龙心粉丝

呢3条係龙心的旧片，当时佢勇闯城市论坛，「香港朋友你哋好，我係来自美国三藩市嘅福清帮第2把交椅龙心438」，估唔到小红书都几多网民认到龙心，仲自称係龙心粉丝，粤语粗口都係跟龙心学返嚟，又叫龙心快啲开埋抖音！「好出色的网红呀，快点开抖音」、「当年看到这视频就迷上龙心了」、「我跟龙心学粗口的」、「你粉丝全广东的」，又有网民指福清帮全写其实係「福建青年帮助弱势社群协会」现时龙心小红书已经有过千的粉丝follow佢。