29岁Tyson Yoshi被认错係44岁吴卓羲 公审偷拍者竟惹网民围插

29岁大只歌手Tyson Yoshi（程浚彦）一向对偷拍者好反感，近日佢再出po闹爆偷拍者，更在IG公开其相片公审，但今次就有不少网民都唔撑Tyson Yoshi，更有网民拍完Tyson Yoshi后话唔知佢係边个，仲认错佢係44岁吴卓羲！

阅读全文

Tyson Yoshi怒斥偷拍者：要影咪直接讲啰

Tyson Yoshi日前先在IG出了一个黑底白字的限时动态，表示：「要影咪直接讲啰，又要喺度偷拍，明显到。」之后他再上载了一张照片，以黑底文字遮着对方双眼，并写上：「冇错，畀人偷影係唔好受，你明啦依家？」明显指对方正是偷拍者。

网民今次唔撑Tyson Yoshi：影相都要放上网公审？

不过网民今次都唔撑Tyson Yoshi反影偷拍者的行为，纷纷狠批：「人哋係咪偷影佢就未知，佢就真係偷影人啦」、「可能zoom最远影后面啲嘢唔係影佢，不过就算影佢咁又点？」、「公众地方畀人影相都要怨妇mode」、「小气到」、「影相都要放上网公审？」、「上次喺gym房俾人影都X得啱，今次喺街畀人影都唔得？」等等。

内地网民唔识Tyson Yoshi 认错係吴卓羲

此外原来唔只一位网民偷拍Tyson Yoshi，有一位内地网民日前在小红书公开了几张Tyson Yoshi相片，但他表示不知道这位明星是谁，问大家：「在香港去坐地铁，好多人排队进这个服装店，这是谁啊？」引来众多网民争相报出吴卓羲和MC张天赋的名字：「图一以为唔唱K」、「未点入来前小图以为是唔唱K」、「低头以为阿Ron」、「第一眼唔唱K，第二眼：mc，第三眼：吴卓羲版张天赋，看评论区Tyson」、「泰森卓羲」等。

重提Tyson Yoshi被的士司机认错係MC张天赋

亦有网民好奇点解咁多人话Tyson Yoshi係MC张天赋，问大家「认真定讲笑」？网民就重提Tyson Yoshi曾自爆被的士司机认错係MC张天赋事件：「因为之前Tyson坐的士俾司机认错以为係MC，然后MC同佢一起出活动发po影Tyson嘅相话自己见到张天赋啦！所以依家个个都话Tyson係张天赋哈哈哈哈哈！」

Tyson Yoshi曾在Gym Room换衫被偷拍

原来前年8月，Tyson Yoshi亦曾在Gym Room的更衣室换衫时被人偷拍，他当时于社交网上载被偷拍照片，爆粗狂闹，并要求涉事的健身室处理事件。当日有网民指作为公众人物就预计会有人偷影，于是Tyson Yoshi再发布限时动态反击：「唔好同我讲咩食得鹹鱼抵得渴，出名就有人影，出面影都算，嗰度係更衣室，仲要周围send。」

Tyson Yoshi 欢迎Fans邀合照勿偷影

其实Tyson Yoshi在健身中心内都曾被Fans邀合照，他亦都再转发一张fans上载的合照，并表示：「其实有礼貌咁样问影相係绝对冇问题，我都係OK。」而该健身室亦立即回应事件，指得知有人未经许可情况下于健身室拍照，强调不论在更衣室抑或健身区域，都不能擅自拍照，否则已违反规定，一经发现会即时停止其使用权。

女友Christy曾被偷拍 Tyson Yoshi怒斥「死变态」

睇番去年4月，Tyson Yoshi曾在IG公开爆粗闹两名偷拍女友Christy的男子「死变态」，并报警求助，警方在对方手机上搵到4张Christy全身和下半身的偷拍照，但因并非私密部位，所以不足以构成「窥淫罪」，只能以港铁附例「滋扰乘客」对偷拍者作出警告。

网民当时大讚Tyson Yoshi护花Man爆

当时有不少网民都大讚Tyson Yoshi出手护花Man爆︰「好英勇呀」、「有眼不识Tyson（泰山）」、「Tyson Yoshi係真男人！抵讚」，亦有网民留言问他：「原来平时见到你唔可以影你㗎？」Tyson Yoshi当时曾回覆：「佢係偷影her ass（她的屁股）。」