李贤Leanne日本浸温泉大开黄腔 性感唔怕露讲埋走后门

被封为「ViuTV隐藏版靓女主持」的李贤（Leanne）自从拍过《学神出没注意》后就备受网民关注，近日她为网路红人虾条哥拍摄了一系列《日本打横行》影片，第一集已经引起网民热烈讨论，除了因为当中有Leanne性感浸温泉的「黄金画面」外，更因为Leanne的言论相当大胆，听到网民哗哗声！

阅读全文

李贤Leanne 开黄腔大讲AV剧情

现年30岁的李贤（Leanne）今次为虾条哥所拍的影片，内容主要是介绍去日本自驾游景点，以及他们所住的温泉度假屋，但更吸引网民的是两人对话的内容，当中可以见到Leanne说话可算零避忌，言谈中竟然讲到日本AV剧情，起因是Leanne一身打扮被指不适合在日本着去返工，因为会被批评在引诱上司，她随即反驳：「唔係呀，我睇开嗰啲AV佢哋都係就算着恤衫、长裙，都係引诱到上司！」

Leanne更举例说：「例如office个冷气坏咗，好热呀，跟住唔知点解就会成身湿晒，就透晒，同埋一定有黑丝，就sur～（做撕开动作）一係就出差，咁大间酒店或者咁大个地方，都係得一间酒店房，又或者係冇车返屋企。」虾条哥即问她：「你都几熟㗎喎，点解嘅？」Leanne笑言：「因为有睇开，我会睇剧情。」

李贤 形容前男友大十几年係「进击的巨人」

当被虾条哥问到「係咪女仔年纪愈大需求愈大，男仔就相反年纪愈大需求愈细」时，Leanne就回答:「我都试过有啲男朋友大我十几年（然后都係好猛烈嘅？）进击的巨人！（但巨人寿命係得好短）係呀，所以佢哋每一个寿命都好短（你讲个关係啫，不是佢变大嘅能力）係呀，係讲个关係！」

李贤 忽然爆出「主奴调教」 强调冇睇开

Leanne更忽然讲到「主奴调教」，原因係虾条哥指有些女士係外表愈乖骨子里愈反差，Leanne表示：「我有啲女性朋友，佢哋表面真係好斯文好文静（内里都好文静）係呀，同佢哋倾偈时，佢哋对呢样嘢都好内敛（佢欠一个调教係咪？）主奴调教。」虾条哥即反问咩係「主奴调教」？令一向言论大胆的Leanne都deadair了几秒，才回答他：「主人同奴隶，我冇睇开㗎！」

李贤 大胆问虾条哥：你想走我后门？

其后两人去到阿苏神社，虾条哥取笑Leanne一讲到「进入」阿苏神社就特别醒神，Leanne仲忽然话要「走后门」，虾条哥话要畀Leanne行先，她即笑住反问：「你想走我后门？」又讲到想在去买餸时结缘，被取笑年龄层係60至80岁不等，Leanne笑言：「冇错，依个就係我嘅目标年龄层（咁你要装啲圣水返去淋落佢个身度）係呀，希望会硬啲，即係我哋感情会坚硬啲！」

李贤 着泳衣浸半露天温泉拍「黄金画面」

去到温泉渡假屋，Leanne着上白色两件头泳衣大浸半露天温泉，首先教大家浸温泉攻略，包括：「唔好浸太耐，唔好浸过膊，同埋最紧要嘅係千祈唔好喺温泉入面进行任何剧烈嘅运动，因为血液流动得太快嘅时候就好危险！」

之后Leanne又教大家驱赶露天温泉入面昆虫的三个方法，一是「唔惊嘅话就徒手执咗去」，二是「用口吹，吹远佢当睇唔到就算」，三是「日本温泉通常有啲网仔，可以好似捞金鱼一样捞走啲虫」，其中为了得到「黄金画面」，第二个方法「用口吹」更重複影了两次。

网民劲讚李贤有样有智慧有身材有口才

不过有网民就指比起浸温泉的画面，Leanne在BBQ时突然打乞嗤的瞬间竟然更吸引，虾条哥亦形容她打乞嗤时好豪迈，个声亦好快、好sharp。网民睇完影片后都纷纷大讚：「Leanne好完美，有样有智慧有身材有口才」、「Leanne真係冇得输」、「由学神开始留意leanne，点解可以个性格咁正又靓女」、「Leanne gor 有时不经意地讲黄腔先最自然」、「麻甩系靓女」等。

李贤 首次拍YouTube片即人气急升

Leanne在影片中又讲到自己由素人变艺人的经历，原来她首次现身幕前，并非是在ViuTV《学神出没注意》，而是在艾力Eric的YouTube频道影片中，Leanne指她当时还是素人，IG Followers只有一千个，同艾力拍完片后就急升到一万，她指在影片中只係纯倾偈，倾男女之间的事，但因为她着了一条短裙裤，裙入面係有条裤，但仍令网民误以为她有走光：「啲人都话见到神秘三角。」

Leanne续说：「仲有个节目叫《举高双手》估唔到有好多人睇，因为唔係黄金时段播，係朝头早畀啲老人家小朋友睇，讲健康嘢嘅，但唔知点解讨论区就开始出现我啲露脚趾嘅镜头，係我啲FD见到话畀我知：『佢哋话你啲脚趾呀』其实纯粹冇着袜之嘛！」

李贤 直言锺意露：我觉得舒服我就会做

最后虾条哥讚Leanne的IG掌握到流量密码，问她有冇一丝係自己想影？Leanne直言：「我锺意露啰，得唔得呀？」她续指：「个零月之前有个前度，佢有啲工作上嘅嘢搵我帮手，佢问我：『你敢唔敢唔露？』我话：『你都痴线嘅，我锺意露呀，你吹咩？』我觉得件事靓呀嘛，我觉得舒服我就会做，最紧要係喺适当嘅地方做适当嘅嘢，咁嗰件事就唔会太过猥琐或者太过不雅啰！」

Leanne又讲到：「当我见到同行嘅女仔唔使点露，佢哋啲engagement都多过你、人气都高过你嘅时候，你就会觉得：『嗯，好侮辱呀！』即係我攞晒出嚟啦，但都唔啱呢个市场口味，都冇办法。」

睇埋Leanne其他温泉靓相：

有片睇！