森美太太商台30年前青涩照曝光 网民讚靓女 仲撞样一位「童颜女神」

最近，有网民在「90年代回忆 (新版)」的Facebook群组分享了903商台DJ们当年的青涩封面照片，其中包括了森美、软硬天师、兰茜等人。有眼尖网民更发现森美太太的身影，她当时的清纯美貌引起网民热烈讨论！

阅读全文

森美太太商台青涩照曝光网民：咁靓女！

网民晒出多张1994年的M Magazine音乐杂誌封面照，每张都有唔同DJ的「半身相」。在1994年参加商台DJ选拔比赛而入行的森美，转眼30年，已成为口才了得主持人，电台、电视台、电影瓣瓣掂，不愧係森美大哥！另外，有网民更发现森美太太陈雅娴（Veronica）亦在其中，不少人大讚：「森美太太」、「咁靓女！」、「大哥老婆」、「几日系喎个时都」、「似小薯茄-童童」。

森美入商台即认定对方 爆追求过程

森美与Veronica在1994年商台举办的DJ选拔比赛《叱咤杀戮新大陆》认识，并于2000年结婚，婚后育有一仔一女，夫妇至今恩爱如昔。森美曾接受传媒访问大爆当时入商台做traineer，就情倾Veronica展开热烈追求，经常找对方帮忙写稿，更直言「我好多谢佢，因为佢当时对我嘅鞭策，我可以做到一个DJ」后来，Veronica冇继续做电台，只留返森美。

森美：张相真係好正，我真係好小朋友

森美近日（19日）亦有转发呢张后生look照片，留言︰「好多人都攞呢张相俾我睇，呢个好嘢嚟㗎，係我人生当中第一张Profile picture。嗰阵时我大学一年班，入商业电台，第一个节目《志健美先生》，讲健康健美健身至健美。真係估唔到到依家我都对呢三样嘢都係好有兴趣，真係三岁定八十，不过嗰阵时瘦蜢蜢。张相真係好正，我真係好小朋友。」

不少网民留言︰「第一眼以为係胡杏儿《冲上云霄》剧照。」「似呀Jer」「自信心爆棚的笑容！」连麦美恩都话︰「Mr Uncle﹗」

老婆名校毕业 童星出身

森美老婆陈雅娴其实是童星出身，她中学毕业于名校德望中学，有传被封为校花。她比森美更早入行，小时候她是童星，曾在许冠杰主演的电影《全家福》中演出，饰演郑文雅及许冠杰的女儿、温兆宇的姐姐。后来她成为有线电视儿童台的节目主持人。与森美结婚后，她决定退出幕前，专心相夫教子。

虽然森美老婆曾经做过幕前，不过为人相当低调，在社交平台绝少上载与森美的合照。森美很尊重老婆，很少晒夫妻合照，亦很少公开提及夫妇生活。直到仔女长大，二人才慢慢减少避忌，不时被记者影到孖住拍拖，结婚多年仍然恩爱如初，羡煞旁人。

森美因为一条蝴蝶结同老婆挞着

森美早前接受访问时被问到，生活被工作和儿女佔去大部分，还有没有时间同老婆拍拖？他坦言的确比以前少：「係少咗嘅，不过可以自己争取。我带团去四国玩，人哋畀我带一个助手，我就当太太係助手，带埋佢一齐玩啰！不过呢个助手好唔合格，第一个trip唔记得带passport，第二个trip就狂买嘢，搞到我推住箧仲要手拎七袋手信同零食！」

被问到还记不记得第一面见到老婆的情景，第一下过电又是因为甚么原因，森美忆述：「我一入行就识太太，成20几年前，不过仲记得好清楚。第一次见面喺商台大堂，佢喺度派紧果汁橡皮糖，周围问人食唔食，嗰次我係无食到嘅⋯⋯真係有感觉就係几个月后，我哋呢班DJ训练班準备上台比赛，我係佢前一个出场，临出去，佢叫我帮佢绑鬆咗嘅蝴蝶结。条裙係条碎花长裙，个蝴蝶喺佢背后，就係嗰一下，绑出事。」

对老婆口硬心软 笑她比发嫂次一级

森美笑言自己对老婆并不温柔，但内心其实很着紧她，隔空传情：「有啲男人对太太好着迷、时时刻刻都觉得太太好好，但我又唔係喎。我係成个大叔咁款，日日见亲佢就吟吟沉沉，吟佢呢样吟佢嗰样。但出去开工十几廿个钟，又会好挂住佢，不过打去就係粗声粗气咁问：『做紧咩吖？』见唔到太太时，我成日都有一个画面，就係一间花店、佢好仙气咁坐喺度，帮人包吓花、同客人倾吓偈⋯⋯唔知点解係花店，佢都无话过想开花店。」

他又笑言老婆只会守住他的财，不让他乱花钱，将她与周润发老婆比较：「不过我太太都有个好处，就係知悭识俭，从来要求都唔高、平时又会同我坐廉航出去玩吓。我成日话发嫂嗰啲悭家得嚟，又投资有道，我老婆呢啲净係知悭识俭，守住我啲财，比起发嫂，次咗一级。」

森美感性发表爱妻宣言

森美曾于《森美旅行团》中体验S.U.P(立式划桨)课程，试玩前，他还教大家追女仔：「追女仔时唔好成日谂住要送物质嘢，最好係送佢一段经历，因为人对于物件嘅记忆力好短暂，但对经历嘅记忆就好长！」不知森美又送过几多段经历给太太呢？

沿着北十间川小运河，划到东京晴空塔看日落，森美还幸运地遇上双彩虹的意外惊喜。日落加上双彩虹，两人都感叹为何伴侣不在身边。当时体验过后，森美哽咽地发表爱妻宣言，他说如果那一刻是跟太太来的话，他会很开心，他还心里想假如下次再同太太来的话，他未必会再看到这个日落，见得到日落，又未必可以见到彩虹，犹如爱情：「总係对方唔喺你身边嘅时候，你先会发现自己其实好需要佢。」说着说着，还感动得流下男儿泪，不过电视机前的森美嫂看到这一幕，会否也感动落泪呢？