MIRROR演唱会2024︱Frankie疑似甩裤片流出 超专业表现连执生都淡定过人！

MIRROR一连16场的巡迴演唱会《MIRROR FEEL THE PASSION CONCERT TOUR 2024》，首站在香港开锣，并于1月15日假亚洲国际博览馆正式展开。今次演唱会镜仔们都落足苦工，努力为大家带来精彩的演出。不过原来去到第6场时，成员Frankie（皮皮）就被影到疑似跳到甩裤，仲俾fans全程影到，大讚皮皮超识执生！

阅读全文

FrankieSolo甩裤？ 劲镇定执生力强

MIRROR今次演唱会有各成员Solo环节，Frankie都唔例外，可以Solo 2024 年首支个人单曲。有网民就翻出有位Frankie Fans 喺IG po出Frankie第6场 〈皮思苦〉的Solo影片，片段中Frankie唱唱吓突然全程用手揞住个肚的位置疑似甩裤，未知发生咩事，而当Frankie转身时发现似乎係甩咗裤上的腰封，而腰封连住个Headset。Frankie一直保持镇定继续表演，去到跳舞时Dancer先帮忙整理，整个流程非常流畅。

粉丝劲讚根本无为意甩咗 封「执生之鬼」

Fans个个大讚执生力强，根本无为意原来甩咗，又讚Dancer都好正：「皮皮好淡定，专业继续唱，Dancer哥哥都好专业，帮手解决皮皮遇到舞台问题，真係好感谢。其次，亦可以见到皮皮同dancer们合作无间」、「原来个腰封係连住个head set，所以唔可以唔要个腰封」、「腰封鬆左真係好惊险，皮皮好专业，继续演出」、「可能因为处变不惊，表现个人魅力，所以特别觉得呢次表现好好，唱得特别好听！」、「完全唔知佢甩腰封，虽然觉得佢按住腰间有点怪」、「执生之鬼」、「帮佢整返条裤嗰个dancer几可爱」