玲玲友情报｜惊悚「元秋」粥麵店事件！玲玲师傅不敢进食 名厨杨尚友揭祕加料真相

堪舆学家麦玲玲带领吴兆麟（Alan）、蔡景行（行仔）主持的清谈节目《玲玲友情报》，逢周三晚 10 点 J2（82 台）播映。今晚（6 日）一集主题为「餐厅唔係咁样开」，嘉宾是名厨杨尚友（Christian）。

阅读全文

每个行业都有不少秘闻，餐饮业多年就流传一则都市传说，开名指旺角某餐厅的厨师，在白汁鸡皇饭内加料，导致有一轮但凡有「白汁」的碟头饭销情变差。无论真伪总之帮衬食肆，千万不要跟「厨房佬」斗气。今晚（6 日）《玲玲友情报》嘉宾为名厨杨尚友（Christian），他从事餐饮业 30 年，见证过「加料」事件，他说︰「细个喺瑞士一间pizza 店做 part time，嗰时咁啱 world cup，一晚整咗 300 几个 pizza。嗰晚有一位人客不停投诉、不停退货。后来发现当事人係嗰间餐厅旧时嘅大厨，摆明玩我哋。」最后那位前大厨的 pizza 获得「特别」照料，餐厅每位厨师都留下一啖口水作纪念。

有难服侍的客，亦有恶死老闆。跑马地一间粥麵店的老闆娘，素有「元秋」外号以恶驰名，差不多每名食客都捱过骂。节目中玲玲师傅重现老闆娘霸气闹人过程︰「嗰日有食客嫌张枱太大，老闆娘就叫人『斩开佢吖笨』；又试过有食客叫一款唔係时令嘅蔬菜，老闆娘回覆『呢个时候无呢种菜，食死你呀』。」这惊人一幕，震撼玲玲师傅跟友人，她委曲的说︰「我好惊，跟住话唔好理喇，个煲仔饭我哋一定要食晒，唔係会闹人㗎。」原因是入座前，老闆娘已明言不可以有剩菜。话分两头玲玲师傅讚餐厅食物确实有水準，她说︰「你谂下跑马地嗰班客，被你闹都要帮衬，就知道食物有过人之处。」Christian 亦表示自己每星期都要光顾一次才满足。

今集玲玲师傅老公何德继续在节目中「曝光」，他被爆抱怨吃法国餐又贵又浪费时间，重点是「3 千几蚊一个人，食完仲係好肚饿」。拥有法籍的 Christian 即时作出平反，权威地讲出重点︰「同大家讲，食法国餐唔係爱嚟食饱嘅，我 Christian in Paris 讲嘅。」引来在场各人拍掌支持，接住他补充说︰「食法国餐係要慢慢食，去谂下厨师究竟煮紧乜嘢故事畀你，係畀紧话题你同你对面嗰个人。」可谓意义深远。

此外，行仔自爆恐怖饮食经历，竟然跟排泄物有关，令各人大呼呕心，想知道行仔到底经历何种不幸遭遇，密切留意节目播出。