晚吹流量密码｜台湾「导弹cup」护士震撼登场 派福利搞到193差啲「有反应」

ViuTV节目《晚吹 – 404_886流量密码》集集都会请来唔同嘅台湾网红，日前播出的一集就请来「导弹cup」的靓女护士谢侑芯（Iris）。Iris除咗大方分享自己的感情事之外，仲大派福利比阿Dee同193，睇到现场工作人员都超羡慕！Iris仲自爆埋自己个人平台的订阅收入，超惊人嘅数字更吓到两位主持完全反应唔到……

阅读全文

谢侑芯遇唔负责任男朋友果断分手

Iris在节目一开始先分享自己的职业，任职护士的Iris仲大方分享自己曾经同医美医生的感情事，更因为对方「脱产」兼唔负责任分手：「他的自己的房子，车子全部都『脱产』（转移）到妈妈名下，然后每个月的收入他也都全给他妈妈名下。」Iris随后大爆前男友「脱产」的原因：「如果有碰到医疗纠纷，他可以说自己没钱」，狠批前男友不负责任的行为。

谢侑芯「胸狠」上阵示範CPR

Iris除咗分享自己的感情事之外，仲喺现场大派福利益193同阿Dee！Iris先挑战以公主抱抱起193，不过就因为对方太重而齐齐跌落波波池。193仲超搞笑表示：「我有啲紧张，因为有啲嘢顶住我」、「我惊佢再顶住我，我就会有啲嘢顶住佢！」之后Iris更换上低胸小背心出场，仲超「胸涌」上阵对住阿Dee示範CPR，阿Dee仲以为惊摸到对方嘅大髀而将手放上身，不过就被193揶揄：「做咩揿住下面啊？你惊会飞起啊？」令Iris都齐齐笑到失控！

谢侑芯自爆订阅平台惊人收入

Iris在节目上亦透露自己有经营订阅制的付费平台，短短做咗2、3年就已经有超惊人收入：「我做了2、3年，业绩已经超过100万（约800万港元）美金了」，更大方公开最贵的plan的价钱及订阅人数：「最贵的是$900美金（约$7000港元）一个月」、「因为$900美金真的满贵，大概200多个（订阅）。」193仲好奇问Iris订阅后可睇到咩，对方大方表示：「可以看到你想要看的」，不过会唔会有除衫的内容就要：「视乎关係和感觉」。

即睇更多Iris索爆靓相！