逆天奇案2｜林景程感恩师承姜大衞 王嘉慧转型挑战小三角色

由刘家豪总监製、陈志江监製、岑国荣、孙浩浩担任编审的《逆天奇案 2》，逢周一至周五晚八点半翡翠台播映，主要演员包括陈展鹏、林夏薇、冯盈盈、黄智贤、蒋祖曼、张頴康、刘佩玥、方力申及高钧贤等。

阅读全文

昨晚（4 日）一集展开新单元「龙头棍风暴」，剧情讲述社团洪胜话事人贺坚（姜大衞 John 哥饰）打算退隐江湖，贺坚儿子贺永权（林景程饰）和韩耀星（翟威廉饰）欲争话事人之位，两雄相争引起警方高度关注。社团準备举行祭祠仪式，贺坚命令永权负责运送龙头棍，岂料期间龙头棍竟不翼而飞！弄失龙头棍的永权顿失方寸，发晒茅四处寻找龙头棍下落，就连贴身手下亦怀疑兼打致重伤。此时情妇 Jenny（王嘉慧饰）突然来电表示龙头棍在其手上，可惜只是一场谎言，Jenny欺骗永权是想逼他与大婆（吴沚默饰）离婚。到底龙头棍在谁手上，仍然是一个谜团！

林景程感恩能与影帝影后结缘

景程受访时坦言能够与 John 哥合作感到好开心，他说：「John 哥呢种咁传奇嘅演员演戏，可以近距离感受佢点样去演一场戏，呢啲机会真係好难得，觉得对演戏嘅人嚟讲，John 哥真係可以讲得上係活宝藏！」景程透露有向 John 哥请教演戏心得：「我记得未埋位前请教过佢，会用咩方法投入角色嘅感情同点样控制泪水，佢真係毫不吝啬咁分享，仲即场示範点样控制泪水畀我睇，睇佢做好似好容易咁，但实际真係几廿年功力嚟！同埋 John 哥分享期间，咁啱导演叫我埋位拍摄，我谂嗰次係我入行以嚟最唔想埋位嘅一次！」景程早前在《下流上车族》与金像影后鲍起静结母子缘，如今再与亚洲影帝 John 哥结父子缘，名副其实「影帝影后御用仔仔」，对此景程直言感到十分荣幸：「两位都係我以前谂都唔敢谂可以合作到嘅前辈，依家仲可以演到佢哋个仔，坦白讲呢啲机会真係可遇不可求，我觉得我比好多演员好彩 ，希望未来仲会有呢啲机会啦！」

王嘉慧自爆係《逆天》粉丝

饰演小三 Jenny 的王嘉慧（Cathy）亦备受网友注意，身为「东张女神」之一的Cathy，化身性感尤物上演「小三争上位实录」，除了讲大话逼林景程离婚外，被大婆吴沚默捉奸时，亦不失霸气与对方拉扯对骂，与平时斯文形象反差极大。Cathy 受访时自爆是《逆天奇案》粉丝，她说：「第一辑係全部都有追睇晒，觉得

自己有份参与《逆天 2》好神奇，好开心同埋感恩。」演戏年资尚浅的 Cathy 续指今次角色很有挑战性：「始终同平时嘅自己好唔同，都会担心演唔出嗰种效果，所以都有做好多功课，参考其他剧集、电影类似嘅角色係会点样去做。」讲到与吴沚默（Momo）的拉扯对骂戏，Cathy 坦言：「一开始其实有啲唔好意思，惊喺拉扯途中会整亲对方，但係 Momo 佢好好，佢鼓励我放胆去做，Momo 好带到我入戏令到我好投入，所以拍嗰阵完全係冇呢一方面嘅顾虑。」此外，前港姐冠军谢嘉怡闪现客串幼儿园老师一角，令人大感惊喜。

想知道更多相关精彩资讯，敬请留意 www.tvb.com。