Mayanne小喇叭｜「奖老」回归大爆辛酸史 曾志伟不满被狂批直接「踩场」

TVB节目《Mayanne 小喇叭》今晚（18 日）将邀得四位奖老界前辈林晓峰、钱嘉乐、兰茜及阮兆祥（按加入年期顺序）担任嘉宾，与主持麦美恩（Mayanne）大谈拍摄《奖门人》时的喜与乐。四位嘉宾除了分享自己加入《奖门人》的原因和契机外，仲会齐齐现场爆料，搞到被狂批的曾志伟都忍唔住要直接落去「踩场」……阅读全文

「奖老」自爆加入契机

四人之中，虽然嘉乐被专称「大师兄」，但原来第一代奖老竟是林晓峰（阿 Lo）及陈小春，阿 Lo 大爆当年嘉乐之所以被「奖门人」曾志伟睇中接小春棒，全因「把口够贱」；嘉乐忆述当年接到奖门人邀约电话时相当意外，并笑言全靠奖门人自己的口贱才能才得以跳出武师界。谈到奖门人当年为何睇中阿 Lo，原因竟和张国荣和一条鞋带有关，阿 Lo 说：「嗰时拍《金枝玉叶》，有一场戏讲张国荣先生上楼梯，我做助手跟住后面，当时佢唔知左脚定右脚甩咗鞋带。拍完嗰场后我哋放 Break，返到嚟个甩嘅鞋带就调转咗喺另一只脚。当时导演嗌完 Roll 机后，我就嗌『咪住，好似唔连戏喎』，大家咪即刻睇番录影带：『係喎』。嗰日原来奖门人都喺现场，佢心谂原来呢条𡃁仔都几上心，就搵佢嚟做嘢啦。」至于兰茜担任奖老的原因，则与玩奖门人游戏时全情投入「刨西瓜」及「刨粟米」有关。祥仔则畅谈当年如何与志伟、洪天明及邓兆尊夹计，以各人的脚毛及腋窝毛整蛊迟入组的姚乐怡，最后遭乐怡喊打喊杀，十分搞笑。

林晓峰再谈度桥辛酸史

四人还大谈当年录影《奖门人》的「宵夜度桥日常」，当年因为电视台大战，《奖门人》最高峯一星期连播五晚，阿 Lo 大方分享了当年的度桥及上班流程日常：「下午三点返嚟开会，一路开到八点五十分。当年我哋就谂咗改歌词唱啲嘉宾名出嚟，咁每日揸车就要度 18 只歌，每个嘉宾要有 3 只，返到去奖门人就会坐喺度问边只好笑。然后度度度度到食饭，其实係食唔落架喎。有时做到一点钟左右收厂，但未完架，喺化妆间再开会，开到三点度，跟住就宵夜架喇，然后再搵地方。记得有一次打风，我哋搵到地方时已天光，成六点几七点。」

曾志伟「踩场」吓亲钱嘉乐

全集最惊喜部分，是当众人轮流模仿奖门人时，顽皮的志伟即手持小喇叭走入厂送惊喜，令当时除掉双鞋跪地扮紧志伟的嘉乐大嗌惊惊。志伟一到埗即扮作气沖沖搞笑谓：「几多人打电话畀我呀，问：『你仲唔落去？佢哋踩到你一文不值呀！』」之后众人疯狂互窒，混乱间曾展望竟大叫志伟「Daddy」，随即惹起哄动，志伟反应极快接招谓：「出得街架咩？你话畀大家听妈咪係边个？！」并亲解为何被专称「阿爸」，志伟说：「阿爸负责畀钱（埋单）架嘛，咁咪叫阿爸咯。」兰茜闻言即指志伟另一外号是「埋单侠」。另志伟又会亲解《奖门人》换主题曲之谜，答案更相当有爱！