75岁颜国樑爆「续命」灵异事件 昏迷期间险被「带走」 凭1事成功走出鬼门关

现年75岁的资深演员颜国樑近日罕有地与太太霍洁贞一同现身节目《直播灵接触》中，分享了患上罕见的鳞状癌入院治疗，以及太太为他寻求「续命」的心路历程。阅读全文

颜国樑患鳞状癌入院 曾陷昏迷抢救逾10分钟

颜国樑回想起入院时的艰难时刻，他提到自己曾经昏迷数天，并多次经历呼吸困难的状况。「做过手术，裏面摆咗支架，会痕，令到我咳，咳嘅时候似怪兽，好吓人。」颜国樑的太太霍洁贞则描述了当时的紧急情况：

「当时医生同我讲，随时会转差，佢入院已经昏迷要抢救。抢救咗十零分钟，医生行出嚟同我讲：『而家抢救咗，暂时OK，随时转差，要送去深切治疗部』。」

霍洁贞不懈努力为丈夫「续命」梁思浩：唔係一定得㗎

面对丈夫的生命危机，霍洁贞四处寻找方法希望能够为颜国樑「续命」。「我去咗济公庙搵庙祝，帮佢祈福。装香、化宝、诚心求拜，佢（颜国樑）平时抄咗啲《心经》，我拎去化咗佢，总之就係做呢啲。」她回忆道。梁思浩则在节目中提到，这些努力并非保证有用，「唔係一定得㗎……」。

另一方面，又透露当时有一个圈中人向霍洁贞透露：「佢过到呢15日就会返嚟，过唔到就无得返，预咗帮佢做身后事。」霍洁贞指当时有朋友跟她说：「会唔会谂下法科方面，我即刻谂起我娱乐圈好朋友，即刻打畀佢，8点几，问佢有乜可以做，佢叫我第二朝一早去济公庙装塔香，呢15日係一个关。」

颜国樑回忆昏迷期间险被「带走」

颜国樑也分享了提到15日的昏迷期间的一些片段，这些或许是由于病情和药物引起的幻觉。「首先我喺ICU係得两个人，嗰个人喺度行来行去，我喺张床无奈地睇佢行，佢讲电话：『我知，玩梗时差吖嘛，而家係下昼5点几，唔係10点几，我知，会过去澳门嗰边做实验嘛，我明。』」

至于另一个片段是，颜国樑讲到险被「带走」过程，「到时到候有两个医务助理，肥嘟嘟、大妈嗰啲，走埋嚟捉我。我唔畀佢捉，我觉得佢唔係善意，『你好曳啊』，你仲觉得佢係善意？两个砰砰声走埋嚟。」颜国樑再讲当时自己不能动，幸好佢哋又捉佢唔到，不过就打到只手啲插管甩晒，整张床都是血。最终，颜国樑强调了太太的努力和对他的爱，「係佢嘅功德，所做嘅一切畀你返嚟。」

颜国樑戏称自己「废人」

虽然乐观面对生死，但不代表颜国樑的抗癌之路轻易。因为鳞状细胞癌压住咗他的气管，令他会有气喘问题出现，所以而家接不到工作，颜国樑戏称自己是个废人，由于冇工作的关係，所以他都有申请每个月二千几蚊的伤残津贴，不过完全唔够cover每月三万九千六的医药费：「化疗好鬼贵，一针三万九千六，冇资助嘅，一个月放喺治疗要三万九千六，仲要我够要好彩，因为如果你体内嘅细胞唔够，係做唔到呢个化疗。」

颜国樑积蓄治癌现经济压力

颜国樑积蓄都用在治疗上，令他经济方面颇有压力，问他这段时间有冇朋友出手相助？他表示如果不是TVB邀请他亮相台庆，他根本没有同身边朋友提及自己病情，他觉得如果同人讲自己有事，会吓到身边朋友个个鸡飞狗走，所以不想吓亲朋友。网民留言打气：「香港84的陈积，真情的大胜，是颜生的经典，加油，祝福你！」、「好风趣，难得喺逆境嘅时候都保持正能量！」、「古天乐帮帮手！」

多谢女友悉心照顾

化疗令颜国樑身体相当疲劳，他形容好似一个好耐冇做运动的人，突然做剧烈运动，翌日身体出现周身骨痛，他谓每次化疗后的痛就好似运动后遗症，但痛苦却放大五倍。除身体上痛楚，颜国樑表示每次做完化疗，身体都会乏力，行路会失平衡，说话亦会变得唔够气。虽然饱受病魔折磨，但颜国樑话自己冇当患癌係一件大事，唯一係呢段时间，要多谢太太对他悉心照顾。

计划与女友低调注册

虽然颜国樑已经叫对方做太太，但其实未注册未结婚，问到箇中原因？颜国樑指係同97移民潮有关：「因为如果係结咗婚去移民，本钱唔够有好多影响，但係如果单身去第二度就方便啲。」儘管未有一纸婚书，但颜国樑早已经将太太名字加入遗嘱，不过因为而家在内地生活，而内地居住证需要同住的女人有一个名份，否则会被视为召妓，所以为咗法律问题，他之后会同女友低调注册。

颜国樑话自己冇当患癌係一件大事！

75岁颜国樑现身台庆 离巢TVB后北上生活 曾酗酒致屙血尿超惊险

75岁的前TVB甘草演员颜国樑自从于2008年离开TVB之后就移居内地，更转行做「太极宗师」，休养生息，鲜有公开露面，生活低调。最近他获老友邓英敏邀请到其主持的YouTube节目《老友鬼鬼》担任嘉宾大谈近况。虽然他在节目上声如洪钟，耍起太极上嚟亦四平八稳，但原来健康体魄的背后却饱历沧桑，几年前屙血尿与死神擦肩而过。