香港婚后事｜罗天宇自嘲身高问题与单亲家庭成长

一共十集的《香港婚后事》逢周四及周五晚十点半翡翠台播映，节目主持为陈自瑶（Yoyo）、赖慰玲（Winki）、黎诺懿及罗天宇，今晚播出的第 8 集嘉宾龚慈恩（龚姐）。阅读全文

今集探讨的主题是「离婚」，龚姐分享对夫妇离异的见解：「冰封三呎，非一日之寒，比较传统啲嘅女性，仔女係佔咗佢（生活）一大部分，佢可能喺某一段时间係完全忽略咗自己，将啲时间、精神、责任摆晒喺仔女身上，到某一日突然间醒咗，佢会意识要有自己人生，咁会令到有番咁上下年纪嘅人有离婚嘅意识。」Yoyo 则认为：「一段关係係双方（付出），可能你好想为小朋友保持一个美满家庭，但可能对方唔想，可能佢个心已经走咗，你格硬死𢱑都冇办法，有啲嘢唔係一个人可以做到，呢啲情况就冇得选择。」

诺懿又分享指香港每年约有过万宗离婚个案，而离婚手续亦日渐简化，对此Winki 认为「离婚」变得流行：「大家觉得（离婚）冇咁大件事，即係两个人婚姻（如果）出现咗问题，然后就（咪）离婚啰，唔去解决。」Winki 续指近来香港出现移民潮，不少夫妇亦因移民衍生的问题而闹离婚。至于问到龚姐找到适合的人会否考虑再婚？龚姐坦言：「会嘅，我觉得现阶段係需要伴多啲，再唔再婚係另一个问题，但我唔抗拒。」

天宇自揭童年是受保护动物 最嬲唔畀落街打篮球

单亲家庭长大的天宇坦言仍然相信爱情，希望将来可以给小朋友一个完整家庭。天宇有一位同母异父的弟弟胡㻗，两兄弟感情要好，天宇笑言自己就像「白老鼠」：「我妈觉得呢个方式教仔唔係好掂，下个就会试用另一个方式，调整吓再做个好啲嘅出嚟。」天宇透露年轻时就像受保护动物，妈妈对他管教非常严格，就连放学后都不准出街打篮球，他笑言：「我好嬲呢样嘢，我同细佬係唔同爸爸，我爸爸高过细佬爸爸，但我细佬高过我半个头，点解释吖？真係好嬲呀！龚姐个仔咁高，都係因为打篮球，我细佬去到中学时期，我妈叫佢打多啲篮球，唔好似阿哥，细佬係成功嘅实验品。」

诺懿今集化身「教煮」指导天宇煎牛扒，只需利用一样神秘酱料，便能将几十元

的牛扒煎成贵价口感，Winki 试吃完后果真傻傻分不清哪一块才是贵价牛排，诺懿说：「只要搽一搽（该酱料）啫，再拎去煎，就做到一块去扒房先食到嘅香浓牛味道！」究竟神秘酱料是甚么？节目自有分晓。此外 Winki 还分享了在职妈妈的辛酸，更讲到眼湿湿，她大爆两次在启德邮轮码头拍剧时，仔仔皆因故入医院，不禁令她对启德邮轮码头有阴影！今集继续有「残酷２选 1」，诺懿负责接受挑战，面对「想做 5 亿驸马定天王巨星」这个残酷话题，他又会如何抉择？想知道更多相关精彩资讯，敬请留意 www.tvb.com 。