香港婚后事｜姚子羚自曝曾经错失婚姻良机 回顾过去的爱情路途

《香港婚后事》周四及周五晚十点半翡翠台播映，节目主持为陈自瑶（Yoyo）、赖慰玲（Winki）、黎诺懿及罗天宇，今晚（23 日）播出的第9 集嘉宾姚子羚（Elaine）。阅读全文

Elanie 坦言曾遇结婚对象

作为单身贵族，Elaine 坦言对爱情仍然有憧憬，但不会强求，她说：「唔係要搵一个人结婚，而係要遇到一个适合你嘅人，我依家唔係去求职，对我嚟讲婚姻係一生一世嘅事。」Winki 问她曾否遇过想结婚的对象，Elaine 坦言有：「但依家回头望番，嗰个人并唔係可以同我行落去嘅人，可能我最终会离婚，当你唔开心、迷惘嘅时候，往往呢啲人走出嚟嘅时候，通常都係错嘅，因为你喺最迷失嘅时候，只要有个人行埋嚟，你就会觉得佢好好，经历咗呢啲事你就 realize，啱就係啱，唔啱就係唔啱。」

自嘲不擅沟通

之后讲到姊弟恋和异地恋等话题，Elaine 自爆读书时试过异地恋：「嗰时喺澳洲读书，男朋友係马来西亚人，读完书之后我返咗嚟香港，佢就返咗马来西亚，最终就分开咗，虽然我嗰时係读 communication，但我本身唔係好识 communicate。」

诺懿问 Elaine 能否接受与廿多岁的小鲜肉拍拖？Elaine 笑言：「廿几岁，正吖！」之后再正色道：「我谂我未必得，虽然我 Keep 得几好，我望落去都似廿几岁之嘛，如果（相差）5 年之内就 OK。」

黎诺懿自嘲在家中零话语权

今集四位主持将决战四方城，四人大谈对与伴侣同公司工作的看法，Winki 坦言：「少见啲会好啲，如果日日夜夜喺埋一齐，其实冇自己空间会好辛苦！」天宇则认为如果双方都是艺人「有好有唔好」：「我觉得可以多咗共同话题，佢会明白你多啲。」之后讲到家中地位，诺懿笑言自己对于家中的布置零话语权，并自言是家中的「水电工」。四位主持亦并非打麻雀闲谈咁简单，皆因食糊的人可以向其中一位问一个问题，率先食糊的诺懿战战兢兢问 Yoyo：「你可以唔答㗎……我想问呢，啲人成日提住你喺颁奖典礼黑面，你会唔会唔开心？同埋係咪真係黑脸？」Yoyo 会如何回应？密切留意节目。

想知道更多相关精彩资讯，敬请留意 www.tvb.com 。