直播灵接触｜樊亦敏亲述灵界朋友帮忙熄灯电视的诡异经历

由梁思浩、黄紫恩（Jojo）及黄耀英主持，TVB Plus（82台）开台重头戏及首个灵异直播一小时节目《直播灵接触》，逢周一晚 9 点半及周二晚 9 点 35 分播映。每集除有各门各派玄学大师坐阵、跟观众互动解答灵异疑难之余，还会邀请有份量艺人亮相，分享他们的灵异经历。阅读全文

昨晚（3 日）播出的第十三集主题是「因果报应」，并邀得「三太」樊亦敏（Amy）担任嘉宾。原来 Amy 除了是「入道弟子」，亦是「乩童」，曾参与不少扶乩仪式，并主要负责抄写乩文。Amy 在节目中展示了曾收过的乩文，思浩一看便指出其中一份乩文揭示了「疫情」相关信息。Amy 还分享了不少参与扶乩仪式的亲身经历，笑言为了迎合接收乩文者，曾目击祖师以文言文及英文出乩文，亦试过遭祖师训话。除了扶乩见闻，Amy 还分享了不少灵异经历；Amy透露她身边不时出现「朋友仔」，他们更很乐意帮她「熄电视」或「熄灯」：「嗰晚我喺酒店睇你（思浩）食火嗰集，睇睇吓突然全间房嘅灯熄晒，电视机冇熄到，原来係好多朋友仔一齐睇紧。其实我喺自己屋企都试过，有次我讲紧电话、睇紧个节目，我就话如果我唔使行埋去熄电视就好喇，点知 3 秒就熄咗个电视，然后我话我未睇完，你可唔可以开番呢？佢就自己开番。」

之后 Amy 又分享了已离世朋友报梦道别的故事。Amy 说：「我唔係第一次梦到呢啲事情，嗰日我梦见一个老人家同后生仔，师傅话佢哋係嚟睇吓我同我讲再见。嗰位老先生，佢走（离世）时我有出份力，但反而后生嗰个，我谂嚟谂去谂唔到係边个。」之后 Amy 终于想起该名后生仔是曾在另一家公司拍剧时合作过的，并谓最后在另一名曾在该公司工作的前同事帮忙下，找回与该名后生仔的相关记忆。「我哋合作得好愉快，但突然间个男仔冇再出现，原来佢脑Cancer 走咗。」

人脉广博的 Amy，还分享一则来自世叔伯身边朋友、与动物灵有关的灵异经历：「有位 Uncle A ，佢本身高大靓仔，事业都算有成，但有日打牌发现佢个样好暗灰，佢就话自己睇极医生都睇唔好，个身好痕好痕、啲皮肤𢱑完会有一挞挞黑色嘢。跟住佢开始消瘦，皮肤开始烂同流脓，后期仲差到甩指甲同完全瞓唔到，因为郁一郁都好痛。」Amy 续指 Uncle A 后来经师傅指点，揭发其年

轻及上一世曾残杀不少生灵，故今世被怨灵缠着，化解方法除了诚心忏悔，还必须找来前世被他杀过的人求得原谅：「师傅话佢后面好多唔同嘅灵魂，包括执念好重嘅动物灵，要道化好难，有啲已经成妖。至于前世残杀过嘅人，首先要睇吓佢哋会唔会原谅佢；好神奇地，呢个人原本所在地条村嘅师傅，搵番到晒呢啲人今生转生咗叫咩名，当中有啲人肯和解，有啲话唔会原谅，因为觉得冇必要。」

见闻多多的 Amy，还分享了一名女性朋友险些误堕「性交转运」骗局的惊险过程。「我有个朋友流产、情绪好低落。有朋友就介绍咗啲师傅佢识，师傅话佢前世做咗有啲嘢唔好，所以同子女无缘。」Amy 续指该名师傅吩咐其友人私下独自找他作法，作法前更向其友人说：「其实你个样都生得几靓，你咁后生都仲有机会（再生 B）嘅 …你身体太多阴气、要驱走，我係师傅好多正能量，我有个独门方法可以向你注入阳气。」Amy 指师傅一说完便行近其女友人身边并着她坐好，幸好友人老公于千钧一髮之际疯狂拍门阻止事件。Amy 语重心长说：「大家情绪忧伤时真係要警惕，睇清楚个师傅係咪真係可以信赖。」 思浩闻言亦和应：「过往廿年我都揭发咗唔少神棍，其实好多方法都可以转运。」Amy 接着说：「种善恩得善果、令自己正能量多啲都係一个方法。」

另本集一开始，思浩即宣布 6 月 25 日是最后一集播映日期，随即吸引大量网民留言要求「加码」，思浩事后受访时笑言：「真係好多网民留言要求加集数，希望高层听到啦。其实我哋节目反应真係好好，听同事讲个节目热度每星期都一直係咁攀升，开心之余亦令我哋更唔捨得个节目完。」

想知道更多相关精彩资讯，敬请留意 www.tvb.com