爱回家｜池美丽池富拍戏拍出真感情 8字回应几时「回家」

TVB处境剧《爱回家之开心速递》中有唔少角色因剧集安排而冇再出现，而锺凯琪饰演的池美丽以及王俊棠饰演的池富就係其中之一。虽然目前2人都已经离开咗《爱回家》剧组，但係就完全冇影响池家嘅感情！当正王俊棠係爸爸一样嘅锺凯琪，日前仲特登趁喺内地旅行嘅时候，带住妈妈去同王俊棠庆祝生日， 冧爆对方之余仲被唔少网民问几时会「回家」……阅读全文

锺凯琪戏裏係外都係孝顺女

锺凯琪目前专注于日文导师嘅工作，甚少出现在幕前。虽然日文导师嘅工作繁忙，不过仍然唔影响锺凯琪嘅孝心，更趁住有时间带妈妈去中山玩。而锺凯琪日前亦晒出多张与王俊棠的合照，并配文表示：「到内地当然不可以不找我阿爸棠哥」，更直言：「虽然近年少见了很多，但！！ 7年感情不是假的」睇得出锺凯琪果然十分有孝心！

上个月是王俊棠的生日，锺凯琪不单止补庆生日，仲连埋父亲节一齐庆祝。锺凯琪更特意预订餐厅同準备「长寿麵」，冧爆爸爸池富！王俊棠仲笑称：「你特登上嚟就係同我庆祝，你特登走上嚟，我真係觉得你有少少『阴无』（阴谋）。」之后仲孖住锺凯琪齐齐去唱K，开心指数报灯！

王俊棠被仔仔大爆热爱内地

早前王俊棠嘅细仔王东泰在社交平台大玩Q&A，有网民留言问「棠哥係咪常驻内地」，获王东泰回覆表示「佢热爱中国，如果香港冇咩事佢都想留喺内地，同埋好好搵。」直指爸爸王俊棠将工作重心转移到内地，因此在香港的活动相对减少，所以乖乖女锺凯琪今次约王俊棠见面，都係趁去内地时先成事。

网民留言呻挂住池家

虽然今次嘅聚会只有池富同池美丽，少咗由阮政峰饰演的池子孝，但係就已经成功勾起一班《爱回家》fans留言表示好挂住「池家」。更有网民留言问池美丽几时会「回家」，不过锺凯琪就只係表示：「这个要等公司安排」睇嚟几时有得回家仍然有待确定。