inuit.css

今届巴黎奥运已圆满完结，有网民就在讨论区以「HOY TV 今次奥运做得比较好睇」为题为post，引来众多网民争相提出各自观点，比较HOY TV、ViuTV、TVB三个免费电视台在今届巴黎奥运中的表现！阅读全文

网友点评3台奥运表现

HOY TV两主持徐嘉乐、陈欣欣被狠批

今届巴黎奥运HOY TV搵来多位退役运动员和资深体育节目主持人担任评述，阵容强劲，其中体育评述员李德能的主持功力就备受网民讚赏，大讚他做足功课：「李德能真係carry晒，就算唔係佢熟嘅项目都lead得好好」、「德能哥哥mvp啦」、「得李德能同珊珊最似样」、「李德能佢做功课做得好，啲游水轻鬆读得晒啲选手译音加认得边个打边个」。

不过与此同时，网民却几乎一面倒地对HOY TV两位主持陈欣欣和徐嘉乐非常不满：「陈欣欣把声好嘈又冇礼貌」、「陈欣欣d问题劲垃圾」、「陈欣欣直情似串嘉宾」、「徐嘉诺真係好赶客，讲嘢思路仲係几十年前咁」、「徐家诺成日讲啲九唔搭八嘅资讯，又争住讲嘢」、「重点徐嘉乐人名又唔记，招式又唔记，仲衰撚过茶餐厅d呀叔」。

亦有网民指李慧诗在老本行单车赛中不停讲错人名，只有战术方面讲得清楚，在非单车的运动项目中更近乎完全唔识。

上届奥运女子乒乓球团体铜牌得主苏慧音亦被批评讲乒乓球经常以「质量」一词去作评述，虽然苏慧音事后曾在IG解释为何会用「质量」，但网民都拒绝收货。

此外，网友又大讚HOY TV网上小编同网民多互动，不少网民都劲讚「HOY TV小编好可爱」。

ViuTV主持蔡俊彦赢尽好评

ViuTV请来香港剑击运动员蔡俊彦（Ryan）出任客席旁述，因不时大爆金句而人气急升，网民纷纷大讚：「ViuTV Ryan Choi相对讲好好多，裁判未判，佢已经睇得出点解係意大利拎分，唔係黑哨，令到我依啲外行人睇得明好多」、「今届hoy同viu都睇咗一两场后就觉得剑击一定係听ryanchoi，讲晒每下点得分只眼唔使慢镜咁」、「我本身都睇HOY，自从Ryan之后就转咗Viu」。

虽然有网民重提Ryan「咒人旧患复发」，但网友都力撑他只係太诚实：「讲真係自己支持嗰边嘅对家，大家心底里唔多唔少都会希望对方有啲事，发挥唔到，不过镜头前明讲就实得罪人。」

但ViuTV主持Keyman（马啓仁）就被网民狠批：「Keyman佢成个feel有啲似食老，唔係好够资料搜集」、「Keyman成X日波儿波儿，无佢份跑都会提住」、「条友足球篮球就得，其他运动其实麻麻哋」、「keyman讲啲唔熟既项目时，成X日问埋啲戆X问题，然后全场dead air」，但亦有网民欣赏丹尼尔、强尼和Keyman的组合「无得输喎，好笑又吹得」。

此外ViuTV多广告这一点备受网民诟病：「viutv乒乓波永远去广告，场场都无左3-4分」、「Viu电视连开幕闭幕都不断插广告」。

不过ViuTV网上17条直播频道亦大受网民讚赏，更指上网睇可以block广告。亦有网民劲讚ViuTV英文台：「无敌，0广告又唔lag，睇得爽」。不过有网民就指唔想睇广告的话，可以转去睇港台。

TVB赢在有独家专访

TVB主持被网民指评述时态度不够中立，但单凭独家专访运动员一点已赢得不少网民讚赏：「做奥运始终係大台最有经验，资源最多，捨得畀钱买独家专访已经赢晒」、「佢哋啲赛后访问做得几好」、「TVB好多独家採访，中日韩都好快有独家，巴黎记者整体都比较专业」。