inuit.css

张家辉近日正忙于为新片《重生》四出宣传，日前他上TVB娱乐新闻台接受主播王镇泉访问，不但自爆係TVB歌唱比赛节目《中年好声音》的忠实粉丝，更大谈对TVB人工的睇法！阅读全文

张家辉 睇《中年好声音》睇得好开心

张家辉在访问中讲到当年疫情时就係靠睇《中年好声音》度日，仲话第二季播出时自己係追得最足，张家辉直言最锺意这个节目的本质，同时觉得这个节目好成功，因为可以畀到中年人一个机会，而参赛者背后的故事，更係令节目更丰富好睇的元素。

提议TVB搞《中年艺人好声音》

张家辉话当自己睇到参赛者点样晋级、淘汰、努力，见到有talent的人，又或者係参加过就满足的参赛者，自己都会睇得好开心，同时觉得节目好正面。问到家辉会唔会考虑上节目做嘉宾评判？家辉就话自己直头想参加，仲问点解唔搞返个《中年艺人好声音》。

网民指11年前已有艺人版《星梦传奇》

张家辉这个提议获得不少网民支持：「中年艺人好声音，有得谂喎，化骨龙唱灰色轨迹」、「支持中年艺人好声音」，亦有网民指出TVB已举办过类似的选秀节目，就是2013年的《星梦传奇》，这比赛的特色是所有参赛者均是TVB艺员，因此被称为艺员版《超级巨声》，而最终冠军则是郑俊弘，他更同时获得「专业推介表现大奖」。

曾上节目为关咏荷深情献唱

不过讲多两句张家辉就话其实自己唔敢参赛，觉得自己唔够架生，他笑指自己一生得几首歌唱得几好，但在节目中就要不断晋级唱跳几十首歌，成件事令他觉好困难。睇翻原来张家辉1997年时曾上TVB节目《回到未红时》，为太太关咏荷献唱情歌《真情流露》，令关咏荷感动到喊。

1句说话引网民热议

至于讲到再返TVB拍剧，张家辉话有时心入面係想演，但一谂到冇时间瞓觉就係一个好大的问题，另外最主要的问题就係TVB人工太低，所以冇得谂。他这句「TVB人工太低」引来网民热议，有网民笑指：「讲到人工低泉叔无法反驳」、「最后一句讲得好坦白」、「张家辉好真，呢个访问好正」、「TVB又好嘢喎，人工低呢句嘢都够胆出街」等。

新片挑战极限由头打到尾

此外张家辉接受《StarTalk》访问，就讲到自己为新片挑战极限，由头打到尾。他自言对动作戏去到执迷程度，每次完成困难动作同打斗场面后，见到成品的满足感，会令他对拍摄时嘅艰辛忘记得一乾二净，仲坦白一直有挑战更强更劲场面的慾望，就算年龄渐长都未有令自己退避。

《激战》试过手指受伤

打斗自然会有受伤可能，拍摄《激战》时，张家辉就试过手指受伤，令他有心理阴影，并反覆琢磨意外成因，仲搞笑话讲到拍动作戏，丹爷 甄子丹 都只係仅仅追贴自己喎。

张家辉又讲到当年拍摄大量剧集，日夜颠倒赶拍虽然非常辛苦，但係见证住全剧演员齐齐迈向更好发展，就可以话攰并快乐着，就算冇得瞓都乐在其中。

《赎梦》执导兼扮演精神病患者

近年家辉演而优则导，佢仲特别认为拍摄非主流的题材，觉得可以畀观众有更多选择，他执导兼扮演精神病患者的新作《赎梦》，就係自己储存到一定程度冲动之下，爆发而出的产品，希望大家可以有唔係倒模的电影可以欣赏。

有片睇！