inuit.css

45岁林盛斌（Bob）作风向来以搞笑为主，因此其在社交平台嘅发文亦十分搞怪。口才了得嘅林盛斌亦屡获唔同机构青睐邀请佢做司仪，适逢日前（5日）林盛斌为某机构主持周年晚宴，但係就突然遇上紧急兼尴尬情况，好彩获经理人临危不乱帮佢处理，不过呢项超贴身服务就引来网民热议……阅读全文

林盛斌晒索腿经理人超贴身服务

林盛斌日前仲突然晒出经理人为自己贴身服务嘅照片，原来係佢主持周年晚会时，西装裤拉鍊突然爆开，因此就趁住嘉宾表演时落台谂办法解决，最后就由其经理人亲自上手帮佢缝好拉鍊位：「索腿经理人唔知喺边度变咗啲针线出嚟，谂都唔谂就马上帮我联返好佢。」

林盛斌亦在文中解释冇将西裤除低嘅原因：「係因为我嗰条西裤呢，係好窄嘅，如果除咗出嚟俾佢联返好咗之后，我係绝对着唔返条裤嘅」仲大讚经理人「绝对係冇得顶嘅」，仲爆笑表示：「唉，几个师傅话我今年年底好多女人埋身，我都预咗㗎啦，係冇谂过会埋到咁啫。」

网民连环抵死回应林盛斌

对于林盛斌突晒索腿经理人嘅「贴身服务」，瞬间引起网民热议，就连庄锶敏都忍唔住留言揶揄：「佢好似搵嘢喎，係咪搵唔到呀？」而周志康亦称：「正所谓食君之禄，担君之忧」获本尊回应：「所以真係要加佢人工」

亦有唔少网民抵死留言：「最紧要Bob嫂信唔信你啫」、「你係坏咗嘅男人啊」、「唔使解释啦，一睇张相明白晒㗎啦」、「怕唔怕支针拮错位」、「搵人帮下手，畀个放大镜过去啦」、「今次真係跳咗入黄河」

梳化1物件意外抢fo

虽然林盛斌获经理人贴身缝裤嘅照片引起热议，但係亦有眼利嘅网民发现经理人身后嘅梳化上有1物超抢fo：「梳化个匙羹要嚟刮痧㗎？」更引来林盛斌以笑喊表情回覆，场面十分搞笑！