inuit.css

森美早前（12日）在社交平台分享与妻子陈雅娴（Veronica）游日时嘅不幸经历，被突然取消酒店booking一事更引起唔少网民讨论。而日本达人大J就疑似抽水森美嘅经历，仲连环串爆回覆网民兼指森美唔肯纡尊降贵……阅读全文

大J疑抽水森美大阪「7街瞓」事件 日本达人建议可以咁做

香港知名YouTuber及KOL红人Jason（大J），虽然与日本籍太太Mai及两只爱猫移居日本，但都相当关心香港的事。对于近日森美在大阪差点要「7街瞓」一事，大J疑似在Facebook也给予建议。大J表示晚上如果在日本旅行没有酒店的话，最简单可以去情侣酒店过夜。

网民质疑未了解清楚 大J仲寸人不愿「纡尊降贵」

其后就有网民质疑大J「知啲唔知啲」，事关森美在当日的限时动态中已表示自己找过相类型的酒店，就连网吧也找过，认为森美可能已在能力範围内尽量寻找，也没有必要讲大话。大J就表示质疑认为点解好多人都能找到，他就不能，强调不是质疑森美「吹水」，只是想知道他是如何寻找情侣酒店还叫该网民cap图证明森美找过情侣酒店。而有网民是否能找大J借宿一宵，大J就话「唔识佢，咪搞」

亦有网民认同大J，认为日本咁多酒店点会无房，指不是没有房，只是没有平价房，大J更在留言中疑似寸森美不愿「纡尊降贵」。

网民反感：乜x都唔知都冲出嚟开post

对于大J的「建议」令不少网民反感，认为他只懂抽水笑人：「唔帮手仲抽水笑x人。呢啲人真係onx9！」、「乜x都唔知都冲出嚟开post」、「笑x人最简单」、「你想点？你当时唔伸出援手依家讲你想表示啲咩？你好劲丫响日本买楼起楼」「、算啦 咪抽水啦」、「佢抽水嘅方式觉得成日都做到好差」、「真 youtube界kam友」、「自己无了解清楚又要抢口」

森美孖老婆游日本酒店竟突然被取消 险「7街瞓」网民估係呢个原因

50岁森美于日前（12日）与老婆陈雅娴（Veronica）2人世界去日本旅行，更由京都玩到大阪。不过森美就喺即将抵达大阪时收到酒店被突然取消嘅消息，搞到搵唔到地方落脚差点要「7街瞓」！好彩森美最后都搵到酒店暂住，不过网民们就齐齐估booking被取消係因为呢个原因……

森美大阪旅游酒店突然取消！夜晚无家可归

森美日前到日本旅游，由京都玩到大阪。他在IG拍了影片透露，来大阪的途中大约中午5时多时收到酒店email指突然取消了他们的预订房间，但明明早在上一个星期已收到酒店的confirm booking。森美与酒店争论了2个多小时，酒店表示未有收到预定，其后他晚上10点多还拿着行李箱在街上游走，找了一整晚找不到酒店，就连网吧都满座，陷入困境。森美表示从未想过来日本旅行，会遇到没有酒店的挑战，更指他老婆都开始「嬲猪」，不理会他。

森美靠朋友book到房终于唔驶「7街瞓」 区永权建议「报东张」

许多圈中好友在网上留言「真係7街瞓」、「搵个按摩地方，过夜，唔好令老婆唔开心」、「讲唔完嘅旅游真乐趣」、「去伊健日本屋企」、「去睇漫画嗰啲地方过一晚」，其中一位好友区永权建议他「报东张」。

不久后，森美终于传来好消息，因为一位朋友的帮忙已经找到住宿不用「7街瞓」，并感谢所有帮助他的朋友，以及每一个关心嘅电话同短讯。森美表示经过这次的经历，建议大家book了酒店都要发email到酒店confirm才好出发，强调中介都信唔过。明白大家好想知道是那一间，但详情留回节目再讲。

网民劲估係呢个中介网 网民：呢啲钱真係唔悭得

除了有不少网民以及圈内人留言帮忙搵酒店外，还在猜测到底是那一间中间网站。而其中在森美留言中有人提议一间a字的中间网后，森美马上回应呢间真係唔好信，亲身到酒店问完全无房，疑似就是这间中间网站让森美大阪之旅陷入困境。不少网民在讨论区表示也曾中过招「又係A字网呀？」「而家啲酒店都会好似机票咁Overbook博有人no show」、「呢啲钱真係唔悭得」、「之前中过伏」

森美靠朋友book到房终于唔驶「7街瞓」（图片来源：ig＠sammy903）