inuit.css

早前草蜢忙着「草蜢RE：GRASSHOPPER」巡迴演唱会，但9月尾于美国演出时，蔡一杰却因病缺席，只剩蔡一智及苏智威表演。现年57岁男子组合草蜢成员蔡一杰，今（20日）在社交网自揭完成切除脑部肿瘤手术，最新状况曝光！阅读全文

蔡一杰自揭身体状况

蔡一杰发文表示：「刚刚做完一个切除脑部肿瘤手术，手术非常顺利，在这裏我要多谢我的家人一直在我身边支持和鼓励，还有多谢我两位兄弟在我手术期间两人在美国的落力演出，最重要多谢所有医护人员和主诊医生用高超医术来帮助我，使我重新站起来。」

蔡一杰乐观面对：相信我往后的人生一定更精彩

他再讲：「在这裏我要跟所有爱我的朋友说一声，多谢你们的关心同爱护和我公司上上下下的同事特别要多谢我老闆林建岳博士体谅及支持，多谢我的歌迷和一些传媒朋友，希望给我一点空间和时间让我慢慢康复好起来，我相信我往后的人生一定更精彩 PS : 还要多谢这段期间我所有的医生朋友无私嘅奉献和爱护，无言感激 我爱你们 ❤️」

草蜢坦言入行 39 年充满 Amazing

今年5月，由黎芷珊主持的《芷珊约您》第三集的嘉宾是组合草蜢，芷珊飞到台湾直击他们的高雄巨蛋演唱会，成军 39 年的草蜢相隔 30 年再于高雄开骚，三子使尽浑身解数辣爆全场，气氛炽热。

高雄巨蛋演唱会完骚后，芷珊与草蜢三子蔡一智、蔡一杰和苏志威进行深度专访。芷珊问到三子觉得十年后的草蜢会是怎样？苏老闆直言不会被年龄限制思想：「历史都係人创造，你 6、70 岁仲喺上面跳，唔係唔得㗎喎！」杰仔亦大表赞同：「唔好畀自己太多阻碍同藉口，尽做吖，将自己发挥到最好为止。」芷珊再问到他们觉得现在快乐吗？三子异口同声说觉得快乐，坦言入行 39 年的旅程充满 Amazing，杰仔说：「谂番自己出道，十几廿岁到依家，好幸运我哋幻想出嚟嘅嘢都成为现实，仲要做得几好添，所以好感恩。」阿智则说：「我哋三个係屋邨仔之嘛，读书仲係渣添啦，以前以为成功唔到㗎喇，但依家係做到 Famous

喎，讲紧去到边度都有人识你喎，嗰时係几难想像。」

节目尾声，草蜢三子应芷珊要求爆一个小秘密，三子大爆入行头几年曾有表面风光，但其实非常穷困的时期，杰仔说：「我哋开始出道攞咗新人奖，入行差唔多 7年，之后都攞咗好多奖，喺出面其实都叫几红，但係我哋其实仍然係好穷，嗰时仲係住紧喺屋邨，好多隔篱邻舍会带好多同学嚟睇，我哋真係冇办法、瞓唔到觉，逼于无奈要搬出去，搬出去之后，我哋嘅钱只係够买三张床褥，之后係咩都冇。」

杰仔续透露好友成奎安雪中送炭的义举，他说：「嗰时成日同大傻成奎安一齐出去玩，玩完之后佢送我返屋企，佢係都要上嚟屋企坐，我话唔好啦，但佢死都唔肯，最终都上咗嚟屋企，佢一打开门冇谂过我屋企係咁，就连一张櫈都冇，佢坐咗喺地下，佢话冇櫈坐啫，畀杯水嚟饮吓都得啩，我话对唔住，我屋企连雪柜、水煲都冇，当时我哋係穷到咁，嗰个年代表面係风光，内裏其实好惨，第二日大傻搵朋友送咗张梳化嚟畀我，係我屋企第一张嘅梳化。」杰仔忆起故人不禁哽咽：「好多谢大傻，虽然佢已经唔喺度，但我仍然好挂住呢个人。」