inuit.css

TVB台庆剧《巾帼枭雄之悬崖》除咗有视帝黎耀祥以及胡定欣出演外，今次仲有唔少小生同花旦加入，为剧集加添唔少精彩情节！37岁罗天宇在今辑《巾帼》就饰演超打得嘅韦豪，而昨晚（22日）播出嘅第2集中，仲有超震撼嘅打斗场面，罗天宇仲自爆成功全靠「刘颖镟激将法」……阅读全文

巾帼枭雄之悬崖丨罗天宇枪战拍足X日

昨晚播出嘅第2集除咗有视帝黎耀祥大骚演技之外，仲有罗天宇上演嘅超精彩打戏！罗天宇在剧中由茶楼门外打到上二楼，种连环做出多个高难度动作，除咗有擒高趴低同不断翻跟斗嘅画面外，仲有跪地跣住掹双枪兼转身开枪嘅场面！而该幕长达3分钟的枪战打斗戏，更係前后拍咗足足2日，难怪会咁震撼！

巾帼枭雄之悬崖丨罗天宇自爆成功全靠刘颖镟

虽然罗天宇跣住开枪嘅动作获讚型到爆，但对于入行16年首次拍打戏嘅佢而言就一啲都唔简单！罗天宇透露自己为剧集努力做运动练气，但係打戏初哥仍难免会NG：「有啲take可能拍咗20、30次都未必做到个感觉，感恩今次学到好多嘢。」罗天宇仲自爆「跪地甫」成功全靠刘颖镟：「跣脚嗰吓好搞笑，导演讲咗句：『刘颖镟都跣到，你唔係唔得呀？』」最后靠住唔服输精神终于拍得出经典画面！