inuit.css

TVB台庆剧《巾帼枭雄之悬崖》已经播出，视帝黎耀祥继续出现在《巾帼》系列除咗令观众超期待外，佢与胡定欣嘅戏份同样係大家热议嘅话题之一！而黎耀祥今次就继续狂晒视帝级演技，在昨晚（22日）播出嘅剧情中，仲连环自由转换4种唔同嘅情绪，获唔少观众激讚！阅读全文

巾帼枭雄之悬崖丨黎耀祥狂骚视帝级演技

昨晚播出的第2集中，剧情讲述在上海叱咤风云嘅七爷（胡定欣饰），因亲哥哥新爷（海俊杰饰）兴风作浪陷入财困挤提危机。七爷喺不得已嘅情况下仲以死威胁柴十七（黎耀祥饰）帮忙，最终柴十七以「兄妹同心，其利断金」、「光着脚的女人，不怕穿尖头曼皮鞋的男人」以及「雀不飞」三大绝招，成功帮七爷渡过重大难关，2人更自此惺惺相惜，并立誓「狼狈为奸，赢尽上海滩」！

巾帼枭雄之悬崖丨台词有深意变教育电视

永业银行危机场口係剧中大场面嘅代表之一，除咗有动员数百人以及一众主要演员演出嘅场面外，仲有开枪以及狂洒金钱嘅超气派画面，播出效果十分抢fo！今集仲有招牌励志金句：「本来有路嘅咩？路係人行出嚟架嘛」，其他台词亦超有深意，例如：「狼狈为奸，狼前脚长、后脚短，狈就前脚短、后脚长，所以两个要夹计搵食」、「你当自己係一只死咗嘅猪，死猪不怕开水烫」，又以「飞不起的雀仔」及「鸡笼裏的鸡」形容一众上海商业鉅子。