inuit.css

每逢万圣节都会有唔少女星在社交平台晒出自己嘅搞鬼造型，而今年都当然唔例外，大家都使出浑身解数狂派福利，虽然未必位位都係恐怖造型，但係就一定够晒吸睛！以下就会为大家盘点15位女星嘅万圣节造型，睇吓边位最抢fo啦！阅读全文

万圣节15位女星装扮逐个睇

1.区明妙露肩熊猫装性感又可爱

「港版子瑜」区明妙（Miumiu）今年万圣节look照旧有睇头，Miumiu以熊猫造型出镜，仲戴住熊猫头套配无肩带上衣加短裙上阵，十分有睇头！区明妙仲连环对住镜头做出可爱表情，今个万圣节见到佢都完全唔会惊！

2.古佩玲性感小野猫造型骚腹肌

因处境剧《爱·回家之开心速递》而成功弹起嘅古佩玲，今年就以性感小野猫造型登场，而且无论係猫耳仔、手掌定係猫尾都全部有齐，还原度满分！古佩玲仲连环以正面同侧身出镜，以白色短版小背心大骚腹肌同包唔住嘅上围！

3.湘儿几乎跌出画面超惊险

自称「香港第一巨……婴」嘅湘儿今年以芭蕾舞风嘅造型上阵，而且佢超紧身嘅衣服仲将澎湃上围逼到几乎跌出，真係睇见都惊险！不过湘儿嘅服装就似乎太紧，搞到胸部睇落都变咗形咁，被狠批毫无美感。真係性感指数爆灯嘅同时，网民嘅意见都十分两极！

4.校花Cathy极高衩旗袍玩若隐若现

《试当真》嘅校花Cathy（伍珮钰）自参选后备受关注，虽然最后都係落选，但係就无阻Cathy嘅高人气！Cathy今年以极高衩旗袍上阵，超贴身嘅剪裁将Cathy玲珑浮凸嘅身材完美展示，而且开衩嘅部分更高到近乎臀侧嘅位置，每张相都大玩若隐若现，十分抢fo！

5.陈嘉桓水手服大方骚长腿

陈嘉桓以一身水手服示人，虽然长袖上衣十分密实，但係下身嘅短裙同及膝袜就相当有睇头，一对长腿可以话係超级「杀食」！而且陈嘉桓日与夜嘅形象就大不同，日头係青春气息爆灯嘅学生妹，夜晚就换上怪诞妆容！

6.锺柔美罕孖炎明熹扮鬼扮马

出身《声梦传奇》嘅锺柔美（Yumi）今次就孖住一班声梦学员齐齐欢度万圣节，Yumi仲久违地孖住最近屡传被雪嘅炎明熹（Gigi）齐齐扮鬼扮马！虽然Yumi同Gigi嘅服装都颇为密实，但係佢哋嘅妆容就够晒抢fo！

7.新晋港姐梁嘉莹化身茉莉公主

今年新出炉嘅港姐亚军梁嘉莹（Emily）都加入埋派福利嘅一员，Emily今次化身茉莉公主，仲连环大摆唔同嘅pose出镜，狂骚事业线同纤腰！梁嘉莹嘅装扮亦引来唔少网民激讚神还原，兼大讚佢係今届港姐嘅万圣节代表！

8.朱智贤孖辫短裙骚长腿

今年宣布离巢TVB嘅朱智贤，就孖住一班旧同事齐齐去主题公园欢度万圣节。今次朱智贤就以孖辫校服look示人，虽然收起澎湃嘅上围，但係就大骚招牌长腿，够晒杀食！

9.苏韵姿服装惊吓度满分

同样係今年离巢嘅苏韵姿就同朱智贤齐齐现身，虽然苏韵姿嘅服装都较为密实，但係就胜在恐怖风嘅妆容，以及超有心机嘅服装取胜！

10.陈熙蕊兔女郎装有睇头

近期火速弹起嘅陈熙蕊亦有加入万圣节派福利嘅行列，今次佢就以兔女郎嘅装扮上阵，虽然上衣都颇为密实，但係就挡唔住傲人嘅上围，认真抢fo！

11.黄婉恩超短裙随地坐劲犯规

2020年参选港姐后入行嘅黄婉恩就以低上衣配短裙出镜，大方骚事业线同长腿。不过黄婉恩嘅短裙就似乎短得济，坐街边影相时险些走光！

12.Marf丝袜笠头零偶包

女团COLLAR成员Marf邱彦筒今年继续扮鬼扮马出镜，今次Marf仲以丝袜笠头兼化妆，仲以怪诞妆容上阵跳舞，完全零偶包！

13.波波黄婧灵小背心晒「咬痕」

身材向来出众嘅波波黄婧灵就以吊带小背心配短裙上阵，虽然波波嘅服装冇乜惊吓feel，但係小背心都包唔住嘅震撼上围就够晒出众，配埋颈上嘅「咬痕妆」，十分抢fo！

14.李蔓莹小背心震撼出击

身材向来出众嘅李蔓莹今年都有去主题公园感受万圣节嘅气氛，虽然李蔓莹冇特别以cosplay造型到场，不过以贴身小背心示人嘅李蔓莹就已经够晒抢fo，皆因佢极澎湃嘅上围无论係正面定侧身都一样咁有睇头！

15.黄滢仴变花仙子狂骚腿

新晋小花黄滢仴（Verena）今年就告别黑暗风，改以超醒神嘅粉红花仙子装示人，仲连环骚长腿同埋小露事业线，简直係仙气十足！