inuit.css

TVB节目《呃钱》早前就报导咗婚介骗局苦主黄先生嘅个案，不过黄先生就因其自信嘅表现，以及宣称拥有Baby face而成为网络热话。获网民封为「Baby face哥」嘅黄生日前仲接受咗ERROR成员保锜嘅街访，片中佢连环自信爆金句同开腔高歌就再次引起网民热议……阅读全文

Babyface哥超自信连环爆金句

保锜日前在社交平台分享街访「Baby face哥」嘅短片，片中保锜问到「Baby face哥」点解咁会上节目时，佢就表示：「我畀人耻笑唔紧要，我要大家明白个教训。」随后对于「男人要点呢？」嘅提问时，「Baby face哥」就称「要有自信」，仲强调自己「唔係show，係real talk！」

「Baby face哥」亦爆金句劝喻男性观众：「我想话比全天下男人听，瘀咗唔紧要，最紧要出嚟补救番件事。」最后仲自爆拍过3次拖，兼大方展示歌喉，不过走音嘅表现就引得在旁嘅保锜忍唔住偷笑咁！

Babyface哥衣着竟係学韩星

保锜随后仲分享埋街访嘅2.0版本，片中保锜问「Baby face哥」身上造型嘅灵感时，「Baby face哥」就表示：「主要係睇到有啲韩星咁着，我又试吓啰」之后保锜就追问是否Jackson Wang（王嘉尔）嘅着法时，「Baby face哥」则直言唔知佢係边个。

「Baby face哥」嘅片段更引来唔少网民留言：「其实都几似韩仔，只要一路向北果边发展」、「咁似北面嘅韩国人嘅」、「继何伯何太之后，又一个….」、「使乜造型？有Baby face已经赢晒」、「係咪跟错北韩Oppa啊」

保锜疯狂力撑Babyface哥

虽然保锜嘅街访引起唔少网民热议，不过当中就有人质疑保锜其实係想抽「Baby face哥」水，更引来保锜连环留言反击：「呢一个唔係抽水！我係想佢讲返佢自己想讲嘅嘢！大家睇节目，都係耻笑佢！有冇真正了解佢」保锜更重提之前发文斥抽水3位油蔴地天主教小学（海泓道）同学访问片嘅人，并称「大人要多用脑」。虽然没有提及任何频道名字，但内容明显是回应很多网络频道的二次创作。