inuit.css

TVB台庆剧《黑色月光》现正热播，剧集嘅节奏十分明快，仅播出3集就已经见到唔少精彩嘅场口，剧中卓慧云（林夏薇饰）仲会上演「借精」搏生仔嘅情节！但原来林夏薇亦曾为準备造人而停工等孕到，不过最后就因1个原因而导致计划告吹……阅读全文

黑色月光｜林夏薇计到尽「偷精」搏生仔

林夏薇在剧中因商业联姻嫁畀蒋基俊（马志威饰），林夏薇于昨晚（31日）播出嘅第4集中，为咗得到马志威嘅欢心，及想早日为卓家生B巩固地位而色诱马志威。不过以低胸吊带睡裙火辣上阵嘅林夏薇就惨遭滑铁卢，即使大卖性感都得唔到马志威嘅欢心！

虽然色诱失败，但係林夏薇就继续出招，更于第8集收买「粗口港姐」梁允瑜，要求佢色诱马志威并收集精液，兼交畀林夏薇用来进行人工受孕，剧情十分劲爆！

林夏薇收「最后通牒」曾停工等孕到

现年37岁嘅林夏薇于2015年嫁隐形富豪莫赞生（Jason），婚后莫赞生锡到佢燶，除咗进驻15亿山顶独立屋之外，仲获打本做生意。不过2017年就传林夏薇收到老公的「最后通牒」，要尽快为莫家继后香灯，更盛传「生一个奖一亿」！因此林夏薇最终答应拍埋《十二传说》就停工等孕到，仲keep住睇中医调理，希望可以一击即中！

林夏薇被批有望生龙凤胎

2018年林夏薇为新剧《逆缘》做宣传，活动上麦玲玲师傅为众人测字指点迷津，林夏薇以「明」字问添丁，麦玲玲指她当年报喜机会高，更可能怀上龙凤胎，她即场开心回应：「希望承师傅贵言，龙凤胎梗係好。我哋好锺意小朋友嘅，好想生3个，不过都要睇缘份，我同老公各有各忙，见都冇时间，好似同屋主，所以我拍完《十二传说》后会休息一段时间，可以多啲陪屋企人。」林夏薇所讲的停工是指不再接剧，即使陀B成功，亦会照样接其他工作及打理食店生意，不过一切都以生仔行先。

林夏薇因1事等孕到告吹

林夏薇嘅堂哥林峯2020年荣升做爸爸，而努力造人嘅林夏薇受访时就再被问及生B计划，不过佢就表示「顺其自然」。皆因林夏薇发现即使休息1年仍发现自己很忙，未必可以预留时间畀小朋友，似乎生B计划己搁置。