inuit.css

TVB台庆剧《巾帼枭雄之悬崖》现正热播，剧中除咗有视帝黎耀祥同胡定欣之外，唔少近年开始弹起嘅年轻演员都有份出演。昨晚（31日）播出嘅一集中，罗毓仪所饰演嘅未成年少女澄澄就因病生命垂危，唔少观众都大讚罗毓仪饰演未成年角色完全零违和，就连监製都搞笑踢爆罗毓仪曾被工作人员误以为只得XX岁……阅读全文

巾帼枭雄之悬崖丨罗毓仪童颜扮未成年零违和

罗毓仪在剧中饰演未成年少女澄澄，但剧中就讲述罗毓仪因病生命垂危，昏迷不醒嘅佢最后由柴十七（黎耀祥饰）父亲柴民意（杜燕歌饰），以家传嘅「冰火交替浸药秘技」尽力拯救，剧情十分紧张！罗毓仪今次饰演未成年角色就获观众大讚零违和，就算今年已经踏入28岁，但係佢超童颜嘅外貌扮演未成年就完全冇压力！

巾帼枭雄之悬崖丨罗毓仪被误以为只得XX岁

罗毓仪出咗名童颜，因此今次前去横店拍摄时亦因此闹出超爆笑嘅误会！监製嘟嘟就爆料罗毓仪被内地工作人员误以为只有12岁，因为大家都认定佢係小朋友，所以都对佢照顾有加同不断讚佢可爱。而罗毓仪亦直言：「其实都几好，咁样我可以唔使饮酒，因为话自己未成年係冇人会怀疑。」